188. Ādāyasattakaṃ

Author： _System_Pali_VRI_ @ Administrator

No version selected — showing the Pali original by default.

188. Ādāyasattakaṃ

311. Bhikkhu atthatakathino katacīvaraṃ ādāya pakkamati –

‘‘ na paccessan ’’ ti .

Tassa bhikkhuno pakkamanantiko kathinuddhāro .

BhikkhuM0.354 atthatakathino cīvaraṃ ādāya pakkamati .

Tassa bahisīmagatassa evaṃ hoti –

‘‘ idhevimaṃ cīvaraṃ kāressaṃ , na paccessan ’’ ti .

So taṃ cīvaraṃ kāreti .

Tassa bhikkhuno niṭṭhānantiko kathinuddhāro .

BhikkhuV0.333 atthatakathino cīvaraṃ ādāya pakkamati .

Tassa bahisīmagatassa evaṃ hoti –

‘‘ nevimaṃ cīvaraṃ kāressaṃ , na paccessan ’’ ti .

Tassa bhikkhuno sanniṭṭhānantiko kathinuddhāro .

Bhikkhu atthatakathino cīvaraṃ ādāya pakkamati .

Tassa bahisīmagatassa evaṃ hoti –

‘‘ idhevimaṃ cīvaraṃ kāressaṃ , na paccessan ’’ ti .

So taṃ cīvaraṃ kāreti .

Tassa taṃ cīvaraṃ kayiramānaṃ nassati .

Tassa bhikkhuno nāsanantiko kathinuddhāro .

Bhikkhu atthatakathino cīvaraṃ ādāya pakkamati –

‘‘ paccessan ’’ ti .

So bahisīmagato taṃ cīvaraṃ kāreti .

So katacīvaro suṇāti ‘‘ ubbhataṃP1.256 kira tasmiṃ āvāse kathinan ’’ ti .

Tassa bhikkhuno savanantiko kathinuddhāro .

Bhikkhu atthatakathino cīvaraṃ ādāya pakkamati –

‘‘ paccessan ’’ tiT2.140 .

So bahisīmagato taṃ cīvaraṃ kāreti .

So katacīvaro –

‘‘ paccessaṃ paccessan ’’ ti – bahiddhā kathinuddhāraṃ vītināmeti .

Tassa bhikkhuno sīmātikkantiko kathinuddhāro .

Bhikkhu atthatakathino cīvaraṃ ādāya pakkamati –

‘‘ paccessan ’’ ti .

So bahisīmagato taṃ cīvaraṃ kāreti .

So katacīvaro –

‘‘ paccessaṃ paccessan ’’ ti – sambhuṇāti kathinuddhāraṃ .

Tassa bhikkhuno saha bhikkhūhi kathinuddhāro .

Ādāyasattakaṃ niṭṭhitaṃ [… dutiyaṃ niṭṭhitaṃ ( ka .)].

Select Version

Mahāvaggapāḷi

Mahāvaggapāḷi