192. Ādāyapannarasakaṃ

Author： _System_Pali_VRI_ @ Administrator

No version selected — showing the Pali original by default.

192. Ādāyapannarasakaṃ

315. Bhikkhu atthatakathino cīvaraṃ ādāya pakkamati .

Tassa bahisīmagatassa evaṃ hoti –

‘‘ idhevimaṃ cīvaraṃ kāressaṃ , na paccessan ’’ ti .

So taṃ cīvaraṃ kāreti .

Tassa bhikkhuno niṭṭhānantiko kathinuddhāro .

Bhikkhu atthatakathino cīvaraṃ ādāya pakkamati .

Tassa bahisīmagatassa evaṃ hoti –

‘‘ nevimaṃ cīvaraṃ kāressaṃ , na paccessan ’’ ti .

Tassa bhikkhuno sanniṭṭhānantiko kathinuddhāro .

Bhikkhu atthatakathino cīvaraṃ ādāya pakkamati .

Tassa bahisīmagatassa evaṃ hoti –

‘‘ Idhevimaṃ cīvaraṃ kāressaṃ , na paccessan ’’ ti .

So taṃM0.358 cīvaraṃ kāreti .

Tassa taṃ cīvaraṃ kayiramānaṃ nassati .

Tassa bhikkhuno nāsanantiko kathinuddhāro .

Tikaṃ .

BhikkhuT2.144V0.337 atthatakathino cīvaraṃ ādāya pakkamati ‘‘ na paccessan ’’ ti .

Tassa bahisīmagatassa evaṃ hoti –

‘‘ idhevimaṃ cīvaraṃ kāressan ’’ ti .

So taṃ cīvaraṃ kāreti .

Tassa bhikkhuno niṭṭhānantiko kathinuddhāro .

Bhikkhu atthatakathino cīvaraṃ ādāya pakkamati ‘‘ na paccessan ’’ ti .

Tassa bahisīmagatassa evaṃ hoti –

‘‘ nevimaṃ cīvaraṃ kāressan ’’ ti .

Tassa bhikkhuno sanniṭṭhānantiko kathinuddhāro .

Bhikkhu atthatakathino cīvaraṃ ādāya pakkamati ‘‘ na paccessan ’’ ti .

Tassa bahisīmagatassa evaṃ hoti –

‘‘ idhevimaṃ cīvaraṃ kāressan ’’ tiP1.258 .

So taṃ cīvaraṃ kāreti .

Tassa taṃ cīvaraṃ kayiramānaṃ nassati .

Tassa bhikkhuno nāsanantiko kathinuddhāro .

Tikaṃ .

Bhikkhu atthatakathino cīvaraṃ ādāya pakkamati anadhiṭṭhitena ;

nevassa hoti ‘‘ paccessan ’’ ti , na panassa hoti ‘‘ na paccessan ’’ ti .

Tassa bahisīmagatassa evaṃ hoti –

‘‘ idhevimaṃ cīvaraṃ kāressaṃ , na paccessan ’’ ti .

So taṃ cīvaraṃ kāreti .

Tassa bhikkhuno niṭṭhānantiko kathinuddhāro .

Bhikkhu atthatakathino cīvaraṃ ādāya pakkamati anadhiṭṭhitena ;

nevassa hoti ‘‘ paccessan ’’ ti , na panassa hoti ‘‘ na paccessan ’’ ti .

Tassa bahisīmagatassa evaṃ hoti –

‘‘ nevimaṃ cīvaraṃ kāressaṃ , na paccessan ’’ ti .

Tassa bhikkhuno sanniṭṭhānantiko kathinuddhāro .

Bhikkhu atthatakathino cīvaraṃ ādāya pakkamati anadhiṭṭhitena ;

nevassa hoti ‘‘ paccessan ’’ ti , na panassa hoti ‘‘ na paccessan ’’ tiT2.145 .

Tassa bahisīmagatassa evaṃ hoti –

‘‘ idhevimaṃ cīvaraṃ kāressaṃ , na paccessan ’’ ti .

So taṃ cīvaraṃ kāreti .

Tassa taṃ cīvaraṃ kayiramānaṃ nassati .

Tassa bhikkhuno nāsanantiko kathinuddhāro .

Tikaṃ .

BhikkhuM0.359V0.338 atthatakathino cīvaraṃ ādāya pakkamati ‘‘ paccessan ’’ ti .

Tassa bahisīmagatassa evaṃ hoti –

‘‘ idhevimaṃ cīvaraṃ kāressaṃ , na paccessan ’’ ti .

So taṃ cīvaraṃ kāreti .

Tassa bhikkhuno niṭṭhānantiko kathinuddhāro .

Bhikkhu atthatakathino cīvaraṃ ādāya pakkamati ‘‘ paccessan ’’ ti .

Tassa bahisīmagatassa evaṃ hoti –

‘‘ nevimaṃ cīvaraṃ kāressaṃ , na paccessan ’’ ti .

Tassa bhikkhuno sanniṭṭhānantiko kathinuddhāro .

Bhikkhu atthatakathino cīvaraṃ ādāya pakkamati ‘‘ paccessan ’’ ti .

Tassa bahisīmagatassa evaṃ hoti –

‘‘ idhevimaṃ cīvaraṃ kāressaṃ , na paccessan ’’ ti .

So taṃ cīvaraṃ kāreti .

Tassa taṃ cīvaraṃ kayiramānaṃ nassati .

Tassa bhikkhuno nāsanantiko kathinuddhāro .

Bhikkhu atthatakathino cīvaraṃ ādāya pakkamati ‘‘ paccessan ’’ ti .

So bahisīmagato taṃ cīvaraṃ kāreti .

So katacīvaro suṇāti –

‘‘ ubbhataṃ kira tasmiṃ āvāse kathinan ’’ ti .

Tassa bhikkhuno savanantiko kathinuddhāro .

Bhikkhu atthatakathino cīvaraṃ ādāya pakkamati ‘‘ paccessan ’’ ti .

So bahisīmagato taṃ cīvaraṃ kāreti .

So katacīvaro ‘‘ paccessaṃ paccessan ’’ ti – bahiddhā kathinuddhāraṃ vītināmeti .

Tassa bhikkhuno sīmātikkantiko kathinuddhāro .

Bhikkhu atthatakathino cīvaraṃ ādāyaT2.146 pakkamati ‘‘ paccessan ’’ ti .

So bahisīmagato taṃ cīvaraṃ kāreti .

So katacīvaro –

‘‘ paccessaṃ paccessan ’’ ti sambhuṇātiP1.259 kathinuddhāraṃ .

Tassa bhikkhuno saha bhikkhūhi kathinuddhāro .

Chakkaṃ .

Ādāyapannarasakaṃ niṭṭhitaṃ .

Issues

Select Version

Mahāvaggapāḷi

Mahāvaggapāḷi