251. Pabbājanīyakammapaṭippassaddhikathā
424. Idha
T2.289 pana , bhikkhave , bhikkhu saṅghena pabbājanīyakammakato sammā vattati , lomaṃ pātetiV0.439 , netthāraṃ vattati , pabbājanīyassa kammassa paṭippassaddhiṃ yācati .Tatra ce bhikkhūnaṃ evaṃ hoti –
‘‘ ayaṃ kho , āvuso , bhikkhu saṅghena pabbājanīyakammakato sammā vattati , lomaṃ pāteti , netthāraṃ vattati , pabbājanīyassa kammassa paṭippassaddhiṃ yācati .
Handassa mayaṃ pabbājanīyakammaṃ paṭippassambhemā ’’ ti .
Te tassa pabbājanīyakammaṃ paṭippassambhenti – adhammena vaggā .
So tamhā āvāsā aññaṃ āvāsaṃ gacchati .
Tatthapi bhikkhūnaṃ evaṃ hoti –
‘‘ imassa kho , āvuso , bhikkhuno saṅghena pabbājanīyakammaṃ paṭippassaddhaṃ adhammena vaggehi .
Handassa mayaṃ pabbājanīyakammaṃ paṭippassambhemā ’’ ti .
Te tassa pabbājanīyakammaṃ paṭippassambhenti – adhammena samaggā … pe … dhammena vaggā … dhammapatirūpakena vaggā … dhammapatirūpakena samaggā … pe ….
Cakkaṃ kātabbaṃ .
Pabbājanīyakammapaṭippassaddhikathā niṭṭhitā .