199. Phāsuvihārapañcakaṃ

Author： _System_Pali_VRI_ @ Administrator

No version selected — showing the Pali original by default.

199. Phāsuvihārapañcakaṃ

324. Bhikkhu atthatakathino phāsuvihāriko cīvaraṃ ādāya pakkamati –

‘‘ amukaṃ nāma āvāsaṃ gamissāmi ;

tattha me phāsu bhavissati vasissāmi , no ce me phāsu bhavissati , amukaṃ nāma āvāsaṃ gamissāmi ;

tattha me phāsu bhavissati vasissāmiT2.162 , no ce me phāsu bhavissati , amukaṃ nāma āvāsaṃ gamissāmi ;

tattha me phāsu bhavissatiM0.372 vasissāmi , no ce me phāsu bhavissati , paccessan ’’ ti .

Tassa bahisīmagatassa evaṃ hoti –

‘‘ idhevimaṃV0.351 cīvaraṃ kāressaṃ , na paccessan ’’ ti .

So taṃ cīvaraṃ kāreti .

Tassa bhikkhuno niṭṭhānantiko kathinuddhāro .

Bhikkhu atthatakathino phāsuvihāriko cīvaraṃ ādāya pakkamati –

‘‘ amukaṃ nāma āvāsaṃ gamissāmi ;

tattha me phāsu bhavissati vasissāmi , no ce me phāsu bhavissati , amukaṃ nāma āvāsaṃ gamissāmi ;

tattha me phāsu bhavissati vasissāmi , no ce me phāsu bhavissati , paccessan ’’ ti .

Tassa bahisīmagatassa evaṃ hoti –

‘‘ nevimaṃ cīvaraṃ kāressaṃ , na paccessan ’’ ti .

Tassa bhikkhuno sanniṭṭhānantiko kathinuddhāro .

Bhikkhu atthatakathino phāsuvihāriko cīvaraṃ ādāya pakkamati –

‘‘ amukaṃ nāma āvāsaṃ gamissāmi ;

tattha me phāsu bhavissati vasissāmi , no ce me phāsu bhavissati , amukaṃ nāma āvāsaṃ gamissāmi ;

tattha me phāsu bhavissati vasissāmi , noT2.163 ce me phāsu bhavissati , paccessan ’’ ti .

Tassa bahisīmagatassa evaṃ hoti –

‘‘ idhevimaṃ cīvaraṃ kāressaṃ , na paccessan ’’ ti .

So taṃ cīvaraṃ kāreti .

Tassa taṃ cīvaraṃ kayiramānaṃ nassati .

Tassa bhikkhuno nāsanantiko kathinuddhāro .

Bhikkhu atthatakathino phāsuvihāriko cīvaraṃ ādāya pakkamati –

‘‘ amukaṃ nāma āvāsaṃ gamissāmi ;

tattha me phāsu bhavissati vasissāmi , no ce me phāsu bhavissati , amukaṃ nāma āvāsaṃ gamissāmi ;

tattha me phāsu bhavissati vasissāmi , no ce me phāsu bhavissati , paccessan ’’ ti .

So bahisīmagato taṃ cīvaraṃ kāreti .

So katacīvaro –

‘‘ paccessaṃ paccessan ’’ ti bahiddhā kathinuddhāraṃ vītināmeti .

Tassa bhikkhuno sīmātikkantikoP1.265 kathinuddhāro .

BhikkhuM0.373 atthatakathino phāsuvihāriko cīvaraṃ ādāya pakkamati –

‘‘ amukaṃ nāma āvāsaṃ gamissāmi ;

tattha me phāsu bhavissati vasissāmi , no ce me phāsu bhavissati , amukaṃ nāma āvāsaṃ gamissāmi ;

tattha me phāsu bhavissati vasissāmi , no ceV0.352 me phāsu bhavissati , paccessan ’’ ti .

So bahisīmagato taṃ cīvaraṃ kāreti .

So katacīvaro ‘‘ paccessaṃ paccessan ’’ ti sambhuṇāti kathinuddhāraṃ .

Tassa bhikkhuno saha bhikkhūhi kathinuddhāro .

Phāsuvihārapañcakaṃ niṭṭhitaṃ .

Issues

Select Version

Mahāvaggapāḷi

Mahāvaggapāḷi