208. Siveyyakadussayugakathā
335. Tena
V0.367 kho pana samayena rañño pajjotassa siveyyakaṃ dussayugaṃ uppannaṃ hoti – bahūnaṃ [ bahunnaṃ ( sī . syā .)] dussānaṃ bahūnaṃ dussayugānaṃ bahūnaṃ dussayugasatānaṃ bahūnaṃ dussayugasahassānaṃ bahūnaṃ dussayugasatasahassānaṃM0.390 aggañca seṭṭhañca mokkhañca uttamañca pavarañca .Atha kho rājā pajjoto taṃ siveyyakaṃ dussayugaṃ jīvakassa komārabhaccassa pāhesi .
Atha kho jīvakassa
T2.188 komārabhaccassa etadahosi –‘‘ idaṃ kho me siveyyakaṃ dussayugaṃ raññā pajjotena pahitaṃ – bahūnaṃ dussānaṃ bahūnaṃ dussayugānaṃ bahūnaṃ dussayugasatānaṃ bahūnaṃ dussayugasahassānaṃ bahūnaṃ dussayugasatasahassānaṃ aggañca seṭṭhañca mokkhañca uttamañca pavarañca .
Nayidaṃ añño koci paccārahati aññatra tena bhagavatā arahatā sammāsambuddhena , raññā vā māgadhena seniyena bimbisārenā ’’ ti .
Siveyyakadussayugakathā niṭṭhitā .