230. Saṅghe bhinne cīvaruppādakathā
376. Idha
M0.425 pana , bhikkhave , vassaṃvuṭṭhānaṃT2.237 bhikkhūnaṃ anuppanne cīvare saṅgho bhijjati .Tattha manussā ekasmiṃ pakkhe udakaṃ denti , ekasmiṃ pakkhe cīvaraṃ denti – saṅghassa demāti .
Saṅghassevetaṃ .
Idha pana , bhikkhave , vassaṃvuṭṭhānaṃ bhikkhūnaṃ anuppanne cīvare saṅgho bhijjati .
Tattha manussā ekasmiṃ pakkhe udakaṃ denti , tasmiṃyeva pakkhe cīvaraṃ denti – saṅghassa
P1.308 demāti .Saṅghassevetaṃ .
Idha pana , bhikkhave , vassaṃvuṭṭhānaṃ bhikkhūnaṃ anuppanne cīvare saṅgho bhijjati .
Tattha manussā ekasmiṃ pakkhe udakaṃ denti , ekasmiṃ pakkhe cīvaraṃ denti – pakkhassa demāti .
Pakkhassevetaṃ .
Idha pana , bhikkhave , vassaṃvuṭṭhānaṃ bhikkhūnaṃ anuppanne cīvare saṅgho bhijjati .
Tattha manussā ekasmiṃ pakkhe udakaṃ denti , tasmiṃyeva pakkhe cīvaraṃ denti – pakkhassa demāti .
Pakkhassevetaṃ .
Idha pana , bhikkhave , vassaṃvuṭṭhānaṃ bhikkhūnaṃ uppanne cīvare abhājite saṅgho bhijjati .
Sabbesaṃ samakaṃ bhājetabbanti .
Saṅghe bhinne cīvaruppādakathā niṭṭhitā .