38. Kaṇṭakavatthu
101. Tena
T1.161 kho pana samayena āyasmato upanandassa sakyaputtassa dve sāmaṇerā honti – kaṇṭako ca mahako ca .Te aññamaññaṃ dūsesuṃ .
Bhikkhū ujjhāyanti khiyyanti vipācenti –
‘‘ kathañhi nāma sāmaṇerā evarūpaṃ anācāraṃ ācarissantī ’’ ti .
Bhagavato etamatthaṃ ārocesuṃ .
Na , bhikkhave , ekena dve sāmaṇerā upaṭṭhāpetabbā .
Yo upaṭṭhāpeyya , āpatti dukkaṭassāti .
Kaṇṭakavatthu niṭṭhitaṃ .