215. Cīvararajanakathā
344. Tena kho pana samayena bhikkhū chakaṇenapi paṇḍumattikāyapi
P1.286 cīvaraṃ rajanti .Cīvaraṃ dubbaṇṇaṃ hoti .
Bhagavato etamatthaṃ ārocesuṃ .
Anujānāmi
M0.399 , bhikkhave , cha rajanāni – mūlarajanaṃ , khandharajanaṃ , tacarajanaṃ , pattarajanaṃ , puppharajanaṃ , phalarajananti .Tena kho pana samayena bhikkhū sītudakāya [ sītundikāya ( sī .), sītūdakāya ( syā .)] cīvaraṃ rajanti .
Cīvaraṃ duggandhaṃ hoti .
Bhagavato etamatthaṃ ārocesuṃ .
Anujānāmi , bhikkhave , rajanaṃ pacituṃ cullaṃ rajanakumbhinti .
Rajanaṃ uttariyati .
Bhagavato etamatthaṃ ārocesuṃ .
Anujānāmi , bhikkhave , uttarāḷumpaṃ [ uttarāḷupaṃ ( yojanā ), uttarāḷupaṃ ( syā .)] bandhitunti .
Tena kho pana samayena bhikkhū na jānanti rajanaṃ pakkaṃ vā apakkaṃ vā .
Bhagavato etamatthaṃ ārocesuṃ .
Anujānāmi , bhikkhave , udake vā nakhapiṭṭhikāya vā thevakaṃ
T2.201 dātunti .Tena kho pana samayena bhikkhū rajanaṃ oropentā kumbhiṃ āviñchanti [ āviñjanti ( sī .), āvaṭṭanti ( syā .)].
Kumbhī bhijjati .
Bhagavato etamatthaṃ ārocesuṃ .
Anujānāmi , bhikkhave , rajanuḷuṅkaṃ [ rajanāḷuṅkaṃ ( yojanā )] daṇḍakathālakanti .
Tena kho pana samayena bhikkhūnaṃ rajanabhājanaṃ na saṃvijjati .
Bhagavato etamatthaṃ ārocesuṃ .
Anujānāmi , bhikkhave , rajanakolambaṃ rajanaghaṭanti .
Tena
V0.377 kho pana samayena bhikkhū pātiyāpi pattepi cīvaraṃ omaddanti .Cīvaraṃ paribhijjati .
Bhagavato etamatthaṃ ārocesuṃ .
Anujānāmi , bhikkhave , rajanadoṇikanti .
Tena kho pana samayena bhikkhū chamāya cīvaraṃ pattharanti .
Cīvaraṃ paṃsukitaṃ hoti .
Bhagavato etamatthaṃ ārocesuṃ .
Anujānāmi , bhikkhave , tiṇasanthārakanti .
Tiṇasanthārako upacikāhi khajjati .
Bhagavato etamatthaṃ ārocesuṃ .
Anujānāmi , bhikkhave , cīvaravaṃsaṃ cīvararajjunti .
Majjhena laggenti .
Rajanaṃ ubhato galati .
Bhagavato etamatthaṃ ārocesuṃ .
Anujānāmi , bhikkhave , kaṇṇe bandhitunti .
Kaṇṇo
M0.400 jīrati .Bhagavato etamatthaṃ ārocesuṃ .
Anujānāmi , bhikkhave , kaṇṇasuttakanti .
Rajanaṃ ekato galati .
Bhagavato etamatthaṃ ārocesuṃ .
Anujānāmi , bhikkhave , samparivattakaṃ samparivattakaṃ rajetuṃ , na ca acchinne theve pakkamitunti .
Tena kho pana samayena cīvaraṃ patthinnaṃ hoti .
Bhagavato etamatthaṃ ārocesuṃ .
Anujānāmi , bhikkhave , udake osāretunti .
Tena kho pana samayena cīvaraṃ pharusaṃ hoti .
Bhagavato etamatthaṃ ārocesuṃ .
Anujānāmi
T2.202 , bhikkhave , pāṇinā ākoṭetuntiP1.287 .Tena kho pana samayena bhikkhū acchinnakāni cīvarāni dhārenti dantakāsāvāni .
Manussā ujjhāyanti khiyyanti vipācenti – seyyathāpi nāma [ seyyathāpi (?)] gihī kāmabhoginoti .
Bhagavato etamatthaṃ ārocesuṃ .
Na , bhikkhave , acchinnakāni cīvarāni dhāretabbāni .
Yo dhāreyya , āpatti dukkaṭassāti .
Cīvararajanakathā niṭṭhitā .