198. Apavilāyananavakaṃ

Author： _System_Pali_VRI_ @ Administrator

No version selected — showing the Pali original by default.

198. Apavilāyananavakaṃ

321. BhikkhuT2.158 atthatakathino disaṃgamiko pakkamati cīvarapaṭivīsaṃ apavilāyamāno [ apavinayamāno ( sī .), apacinayamāno ( ka .)].

Tamenaṃ disaṅgataṃ bhikkhū pucchanti –

‘‘ kahaṃ tvaṃ , āvuso , vassaṃvuṭṭho , kattha ca te cīvarapaṭivīso ’’ ti ?

So evaṃ vadeti –

‘‘ amukasmiṃ āvāse vassaṃvuṭṭhomhi .

Tattha ca me cīvarapaṭivīso ’’ ti .

Te evaṃ vadanti –

‘‘ gacchāvuso , taṃ cīvaraṃ āhara , mayaṃ te idha cīvaraṃ karissāmā ’’ ti .

So taṃ āvāsaṃ gantvā bhikkhū pucchati –

‘‘ kahaṃ me , āvuso , cīvarapaṭivīso ’’ ti ?

Te evaṃ vadanti –

‘‘ ayaṃ te , āvuso , cīvarapaṭivīso ;

kahaṃ gamissasī ’’ ti ?

So evaṃ vadeti –

‘‘ amukaṃ nāma [ amukañca ( ka .)] āvāsaṃ gamissāmi , tattha me bhikkhū cīvaraṃ karissantī ’’ ti .

Te evaṃ vadanti –

‘‘ alaṃ , āvuso , mā agamāsi .

Mayaṃ te idha cīvaraṃ karissāmā ’’ ti .

Tassa evaṃ hoti –

‘‘ idhevimaṃ cīvaraṃ kāressaṃ , na paccessan ’’ ti .

So taṃ cīvaraṃ kāreti .

Tassa bhikkhuno niṭṭhānantiko kathinuddhāro .

Bhikkhu atthatakathino disaṃgamiko pakkamati … pe …‘‘ nevimaṃ cīvaraṃ kāressaṃ , na paccessan ’’ ti .

Tassa bhikkhuno sanniṭṭhānantiko kathinuddhāro .

BhikkhuM0.370V0.349 atthatakathino disaṃgamiko pakkamati … pe …‘‘ idhevimaṃ cīvaraṃ kāressaṃ , na paccessan ’’ ti .

So taṃ cīvaraṃ kāreti .

Tassa taṃ cīvaraṃ kayiramānaṃ nassati .

Tassa bhikkhuno nāsanantiko kathinuddhāro .

322. Bhikkhu atthatakathino disaṃgamiko pakkamati cīvarapaṭivīsaṃ apavilāyamāno .

Tamenaṃ disaṃgataṃ bhikkhū pucchanti –

‘‘ kahaṃ tvaṃ , āvuso , vassaṃvuṭṭhoT2.159 , kattha ca te cīvarapaṭivīso ’’ ti ?

So evaṃ vadeti –

‘‘ amukasmiṃ āvāse vassaṃvuṭṭhomhi , tattha ca me cīvarapaṭivīso ’’ ti .

Te evaṃ vadanti –

‘‘ gacchāvuso , taṃ cīvaraṃ āhara , mayaṃ te idha cīvaraṃ karissāmā ’’ ti .

So taṃ āvāsaṃ gantvā bhikkhū pucchati –

‘‘ kahaṃ me , āvuso , cīvarapaṭivīso ’’ ti ?

Te evaṃ vadanti –

‘‘ ayaṃ te , āvuso , cīvarapaṭivīso ’’ ti .

So taṃ cīvaraṃ ādāya taṃ āvāsaṃ gacchati .

Tamenaṃ antarāmagge bhikkhū pucchanti –

‘‘ āvuso , kahaṃ gamissasī ’’ ti ?

So evaṃ vadeti –

‘‘ amukaṃ nāma āvāsaṃ gamissāmi , tattha me bhikkhū cīvaraṃ karissantī ’’ ti .

Te evaṃ vadanti –

‘‘ alaṃ , āvuso , mā agamāsi , mayaṃ te idha cīvaraṃ karissāmā ’’ ti .

Tassa evaṃ hoti –

‘‘ idhevimaṃ cīvaraṃ kāressaṃ na paccessan ’’ ti .

So taṃ cīvaraṃ kāreti .

TassaP1.264 bhikkhuno niṭṭhānantiko kathinuddhāro .

Bhikkhu atthatakathino disaṃgamiko pakkamati cīvarapaṭivīsaṃ apavilāyamāno .

Tamenaṃ disaṃgataṃ bhikkhū pucchanti –

‘‘ kahaṃ tvaṃ , āvuso , vassaṃvuṭṭho , kattha ca te cīvarapaṭivīso ’’ ti ?

So evaṃ vadeti –

‘‘ amukasmiṃ āvāse vassaṃvuṭṭhomhi , tattha ca me cīvarapaṭivīso ’’ ti .

Te evaṃ vadanti –

‘‘ gacchāvuso , taṃ cīvaraṃ āhara , mayaṃ te idha cīvaraṃ karissāmā ’’ ti .

So taṃ āvāsaṃ gantvā bhikkhū pucchati –

‘‘ kahaṃ me , āvuso , cīvarapaṭivīso ’’ ti ?

Te evaṃ vadanti –

‘‘ ayaṃ te , āvuso , cīvarapaṭivīso ’’ ti .

So taṃ cīvaraṃ ādāya taṃ āvāsaṃ gacchati .

Tamenaṃ antarāmagge bhikkhūT2.160 pucchanti –

‘‘ āvuso , kahaṃ gamissasī ’’ ti ?

So evaṃ vadeti –

‘‘ amukaṃ nāma āvāsaṃ gamissāmi , tattha me bhikkhū cīvaraṃ karissantī ’’ ti .

Te evaṃ vadanti –

‘‘ alaṃ , āvuso , mā agamāsi , mayaṃ te idha cīvaraṃ karissāmā ’’ ti .

Tassa evaṃ hoti –

‘‘ nevimaṃ cīvaraṃ kāressaṃ , na paccessan ’’ ti .

Tassa bhikkhuno sanniṭṭhānantiko kathinuddhāro .

BhikkhuM0.371 atthatakathino disaṃgamiko pakkamati … pe …‘‘ idhevimaṃ cīvaraṃ kāressaṃ , na paccessan ’’ tiV0.350 .

So taṃ cīvaraṃ kāreti .

Tassa taṃ cīvaraṃ kayiramānaṃ nassati .

Tassa bhikkhuno nāsanantiko kathinuddhāro .

323. BhikkhuT2.161 atthatakathino disaṃgamiko pakkamati cīvarapaṭivīsaṃ apavilāyamāno .

Tamenaṃ disaṃgataṃ bhikkhū pucchanti –

‘‘ kahaṃ tvaṃ , āvuso , vassaṃvuṭṭho , kattha ca te cīvarapaṭivīso ’’ ti ?

So evaṃ vadeti –

‘‘ amukasmiṃ āvāse vassaṃvuṭṭhomhi , tattha ca me cīvarapaṭivīso ’’ ti .

Te evaṃ vadanti –

‘‘ gacchāvuso , taṃ cīvaraṃ āhara , mayaṃ te idha cīvaraṃ karissāmā ’’ ti .

So taṃ āvāsaṃ gantvā bhikkhū pucchati –

‘‘ kahaṃ me , āvuso , cīvarapaṭivīso ’’ ti ?

Te evaṃ vadanti –

‘‘ ayaṃ te , āvuso , cīvarapaṭivīso ’’ ti .

So taṃ cīvaraṃ ādāya taṃ āvāsaṃ gacchati .

Tassa taṃ āvāsaṃ gatassa evaṃ hoti –

‘‘ idhevimaṃ cīvaraṃ kāressaṃ , na paccessan ’’ ti .

So taṃ cīvaraṃ kāreti .

Tassa bhikkhuno niṭṭhānantiko kathinuddhāro .

Bhikkhu atthatakathino disaṃgamiko pakkamati … pe …‘‘ nevimaṃ cīvaraṃ kāressaṃ , na paccessan ’’ ti .

Tassa bhikkhuno sanniṭṭhānantiko kathinuddhāro .

Bhikkhu atthatakathino disaṃgamiko pakkamati … pe …‘‘ idhevimaṃ cīvaraṃ kāressaṃ , na paccessan ’’ ti .

So taṃ cīvaraṃ kāreti .

Tassa taṃ cīvaraṃ kayiramānaṃ nassati .

Tassa bhikkhuno nāsanantiko kathinuddhāro .

Apavilāyananavakaṃ niṭṭhitaṃ .

Issues

Select Version

Mahāvaggapāḷi

Mahāvaggapāḷi