150. Omukkaguṇaṅguṇūpāhanānujānanā
247. Atha kho bhagavā pubbaṇhasamayaṃ nivāsetvā pattacīvaramādāya rājagahaṃ piṇḍāya pāvisi , aññatarena bhikkhunā pacchāsamaṇena .
Atha kho so bhikkhu khañjamāno bhagavantaṃ piṭṭhito piṭṭhito anubandhi .
Addasā kho aññataro upāsako guṇaṅguṇūpāhanā ārohitvā bhagavantaṃ dūratova āgacchantaṃ ;
disvā upāhanā ārohitvā yena bhagavā tenupasaṅkami ;
upasaṅkamitvā bhagavantaṃ
V0.260 abhivādetvā yena so bhikkhu tenupasaṅkami ;upasaṅkamitvā taṃ bhikkhuṃ abhivādetvā
T2.16 etadavoca –‘‘ kissa , bhante , ayyo khañjatī ’’ ti
M0.275 ?‘‘ Pādā me , āvuso , phalitā ’’ ti [ phālitāti ( ka .)].
‘‘ Handa , bhante , upāhanāyo ’’ ti .
‘‘ Alaṃ
P1.187 , āvuso , paṭikkhittā bhagavatā guṇaṅguṇūpāhanā ’’ ti .‘‘ Gaṇhāhetā , bhikkhu , upāhanāyo ’’ ti .
Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi –
‘‘ anujānāmi , bhikkhave , omukkaṃ guṇaṅguṇūpāhanaṃ .
Na , bhikkhave , navā guṇaṅguṇūpāhanā dhāretabbā .
Yo dhāreyya , āpatti dukkaṭassā ’’ ti .
Omukkaguṇaṅguṇūpāhanānujānanā niṭṭhitā .