28. Aṅgulimālacoravatthu
91. Tena kho pana samayena coro aṅgulimālo bhikkhūsu pabbajito hoti .
Manussā passitvā ubbijjantipi , uttasantipi , palāyantipi
T1.153 , aññenapi gacchanti , aññenapi mukhaṃ karonti , dvārampi thakenti .Manussā ujjhāyanti
M0.105 khiyyanti vipācenti –‘‘ kathañhi nāma samaṇā sakyaputtiyā dhajabandhaṃ coraṃ pabbājessantī ’’ ti .
Assosuṃ kho bhikkhū tesaṃ manussānaṃ ujjhāyantānaṃ khiyyantānaṃ vipācentānaṃ .
Atha kho te bhikkhū bhagavato etamatthaṃ ārocesuṃ … pe … na , bhikkhave , dhajabandho coro pabbājetabbo .
Yo pabbājeyya , āpatti dukkaṭassāti .
Aṅgulimālacoravatthu niṭṭhitaṃ .