100. Sīmokkantikapeyyālaṃ
177. Idha
M0.184 pana , bhikkhave , aññatarasmiṃ āvāse tadahuposathe sambahulā āvāsikā bhikkhū sannipatanti cattāro vā atirekā vā .Te na jānanti ‘‘ aññe āvāsikā bhikkhū antosīmaṃ okkamantī ’’ ti
T1.261 … pe … te na jānanti ‘‘ aññe āvāsikā bhikkhū antosīmaṃ okkantā ’’ ti … pe … te na passanti aññe āvāsike bhikkhū antosīmaṃ okkamanteV0.172 … pe … te na passanti aññe āvāsike bhikkhū antosīmaṃ okkante … pe … te na suṇanti ‘‘ aññe āvāsikā bhikkhū antosīmaṃ okkamantī ’’ ti … pe … te na suṇanti ‘‘ aññe āvāsikā bhikkhū antosīmaṃ okkantā ’’ ti … pe ….Āvāsikena āvāsikā ekasatapañcasattati tikanayato , āvāsikena āgantukā , āgantukena āvāsikā , āgantukena āgantukā peyyālamukhena satta tikasatāni honti .
178. Idha pana , bhikkhave , āvāsikānaṃ bhikkhūnaṃ cātuddaso hoti , āgantukānaṃ pannaraso .
Sace āvāsikā bahutarā honti , āgantukehi āvāsikānaṃ anuvattitabbaṃ .
Sace samasamā honti , āgantukehi āvāsikānaṃ anuvattitabbaṃ .
Sace āgantukā bahutarā honti , āvāsikehi āgantukānaṃ anuvattitabbaṃ .
Idha pana , bhikkhave , āvāsikānaṃ bhikkhūnaṃ pannaraso hoti , āgantukānaṃ cātuddaso .
Sace āvāsikā bahutarā honti , āgantukehi āvāsikānaṃ anuvattitabbaṃ .
Sace samasamā honti , āgantukehi āvāsikānaṃ anuvattitabbaṃ .
Sace āgantukā bahutarā honti , āvāsikehi āgantukānaṃ anuvattitabbaṃ .
Idha pana , bhikkhave , āvāsikānaṃ bhikkhūnaṃ pāṭipado hoti , āgantukānaṃ pannaraso .
Sace āvāsikā bahutarā honti , āvāsikehi
T1.262 āgantukānaṃ nākāmā dātabbā sāmaggī .Āgantukehi nissīmaṃ gantvā uposatho kātabbo .
Sace samasamā honti , āvāsikehi āgantukānaṃ nākāmā dātabbā sāmaggī .
Āgantukehi nissīmaṃ
M0.185 gantvā uposatho kātabbo .Sace āgantukā bahutarā honti , āvāsikehi āgantukānaṃ sāmaggī vā dātabbā nissīmaṃ vā gantabbaṃ .
Idha pana , bhikkhave , āvāsikānaṃ bhikkhūnaṃ pannaraso hoti , āgantukānaṃ
P1.133Pāṭipado .
Sace āvāsikā bahutarā honti , āgantukehi āvāsikānaṃ sāmaggī vā dātabbā nissīmaṃ
V0.173 vā gantabbaṃ .Sace samasamā honti , āgantukehi āvāsikānaṃ sāmaggī vā dātabbā nissīmaṃ vā gantabbaṃ .
Sace āgantukā bahutarā honti , āgantukehi āvāsikānaṃ nākāmā dātabbā sāmaggī .
Āvāsikehi nissīmaṃ gantvā uposatho kātabbo .
Sīmokkantikapeyyālaṃ niṭṭhitaṃ .