29. Kārabhedakacoravatthu

Author： _System_Pali_VRI_ @ Administrator

No version selected — showing the Pali original by default.

92. TenaV0.94 kho pana samayena raññā māgadhena seniyena bimbisārenaP1.75 anuññātaṃ hoti –

‘‘ ye samaṇesu sakyaputtiyesu pabbajanti , na te labbhā kiñci kātuṃ ;

svākkhāto dhammo , carantu brahmacariyaṃ sammā dukkhassa antakiriyāyā ’’ ti .

Tena kho pana samayena aññataro puriso corikaṃ katvā kārāya baddho hoti .

So kāraṃ bhinditvā palāyitvā bhikkhūsu pabbajito hoti .

Manussā passitvā evamāhaṃsu –

‘‘ ayaṃ so kārabhedako coro .

Handa , naṃ nemā ’’ ti .

Ekacce evamāhaṃsu –

‘‘ māyyo , evaṃ avacuttha .

Anuññātaṃ raññā māgadhena seniyena bimbisārena –

‘‘ ye samaṇesu sakyaputtiyesu pabbajanti , na te labbhā kiñci kātuṃ ;

svākkhāto dhammo , carantu brahmacariyaṃ sammā dukkhassa antakiriyāyā ’’ ti .

Manussā ujjhāyanti khiyyanti vipācenti –

‘‘ abhayūvarā ime samaṇā sakyaputtiyā , nayimeT1.154 labbhā kiñci kātuṃ .

Kathañhi nāma samaṇā sakyaputtiyā kārabhedakaṃ coraṃ pabbājessantī ’’ ti .

Bhagavato etamatthaṃ ārocesuṃ .

Na , bhikkhave , kārabhedako coro pabbājetabbo .

Yo pabbājeyya , āpatti dukkaṭassāti .

Kārabhedakacoravatthu niṭṭhitaṃ .