Dvipadakathā
115. Dvipadesu
M1.318 – ye avaharituṃ sakkā , te dassento ‘‘ manussā pakkhajātā ’’ ti āha .Devatā pana avaharituṃ na sakkā .
Pakkhā jātā etesanti pakkhajātā .
Te lomapakkhā cammapakkhā aṭṭhipakkhāti tividhā .
Tattha morakukkuṭādayo lomapakkhā , vagguliādayo cammapakkhā , bhamarādayo aṭṭhipakkhāti veditabbā .
Te sabbepi manussā ca pakkhajātā ca kevalaṃ idha dvipadaggahaṇena āgatā .
Yaṃ panettha vattabbaṃ , taṃ ākāsaṭṭhe ca pāṇe ca vuttanayamevāti .
Dvipadakathā niṭṭhitā .