Vihāraṭṭhakathā
103. Vihāraṭṭhepi – catūhi ṭhānehi nikkhittaṃ vuttanayameva .
Abhiyogepi cettha cātuddisaṃ saṅghaṃ uddissa bhikkhūnaṃ dinnaṃ vihāraṃ vā pariveṇaṃ vā āvāsaṃ vā mahantampi khuddakampi abhiyuñjato abhiyogo na ruhati .
Acchinditvā gaṇhitumpi na sakkoti .
Kasmā ?
Sabbesaṃ dhuranikkhepābhāvato .
Na hettha sabbe cātuddisā bhikkhū dhuranikkhepaṃ karontīti
V1.272 .Dīghabhāṇakādibhedassa pana gaṇassa ekapuggalassa vā santakaṃ abhiyuñjitvā gaṇhanto sakkoti
M1.296 te dhuraṃ nikkhipāpetuṃ .Tasmā tattha ārāme vuttanayena vinicchayo veditabboti .
Vihāraṭṭhakathā niṭṭhitā .