Lohiccabrāhmaṇānuyogavaṇṇanā
Lohiccabrāhmaṇānuyogavaṇṇanā
509. Samudayasañjātīti āyuppādo .
509. Samudayasañjātīti āyuppādoti āha ‘‘ bhoguppādo ’’ ti .
Tatoti sālavatikāya .
Lābhantarāyakaroti dhanadhaññalābhassa antarāyakaro .
Anupubbo kampī-saddo ākaṅkhanattho hotīti ‘‘ icchatīti attho ’’ ti vuttaṃ .
Sātisayena vā
M1.396 hitena anukampako anuggaṇhanako hitānukampī .
Anupubbo kapi-saddo ākaṅkhanatthoti dasseti ‘‘ icchatī ’’ ti iminā .
Ayaṃ aṭṭhakathāto aparo nayo – sātisayena hitena anukampako anuggaṇhanako hitānukampīti .Sampajjatīti āsevanalābhena nippajjati balavatī hoti , avaggahāti attho , tenāha ‘‘ niyatā hotī ’’ ti .
Niraye nibbattati micchādiṭṭhiko .
Sampajjatīti āsevanalābhena nippajjati , balavatī hoti avaggahāti attho .
Tena vuttaṃ ‘‘ niyatā hotī ’’ ti .
510-511.
Dutiyaṃ upapattin ti ‘‘ nanu rājā pasenadikosalo ’’ tiādinā vuttaṃ dutiyaṃ upapattiṃ ṭhānaṃ yuttiṃ .
Kāraṇañhi bhagavā upamāmukhena dasseti , imāya ca upapattiyā tumhe ceva aññe cāti lohiccampi antokatvā saṃvejanaṃ kataṃ hoti .
Ye ca ime kulaputtā dibbā gabbhā paripācentīti yojanā .
Upanissayasampattiyā , ñāṇaparipākassa vā abhāvena asakkontā .
Kammapadena atulyādhikaraṇattā paripācenti kiriyāya vibhattivipallāsena upayogatthe paccattavacanaṃ .
Ye pana ‘‘ paripaccantī ’’ ti kammarūpena paṭhanti , tesaṃ mate vibhattivipallāsena payojanaṃ natthi kammakattubhāvato , attho panassa dutiyavikappe vuttanayena dānādipuññaviseso veditabbo .
Ahitānukampāditā ca tassa taṃsamaṅgīsattavasena hoti .
Divi bhavāti dibbā .
Gabbhenti paripaccanavasena attani pabandhentīti gabbhā , devalokā .
‘‘ Channaṃ devalokānan ’’ ti nidassanavacanametaṃ .
Brahmalokassāpi hi dibbagabbhabhāvo labbhateva dibbavihārahetukattā .
Evañca katvā ‘‘ bhāvanaṃ bhāvayamānā ’’ ti idampi vacanaṃ
M2.422 samatthitaṃ hotiV2.372 .‘‘ Devalokagāminiṃ paṭipadaṃ pūrayamānā ’’ ti vatvā taṃ paṭipadaṃ sarūpato dassetuṃ ‘‘ dānaṃ dadamānā ’’ tiādi vuttaṃ .
Bhavanti ettha yathāruci sukhasamappitāti bhavā , vimānāni .
Devabhāvāvahattā dibbā .
Vuttanayeneva gabbhā .
Dānādayo devalokasaṃvattanika puññavisesā .
Dibbā bhavāti idha devalokapariyāpannā upapattibhavā adhippetā .
Tadāvaho hi kammabhavo pubbe gahitoti āha ‘‘ devaloke vipākakkhandhā ’’ ti .