7. Khippanisantisuttaṃ
97.‘‘ Cattārome , bhikkhave , puggalā santo saṃvijjamānā lokasmiṃ .
Katame cattāro ?
Attahitāya paṭipanno no parahitāya , parahitāya paṭipanno no attahitāya , nevattahitāya paṭipanno no parahitāya , attahitāya ceva paṭipanno parahitāya ca .
‘‘ Kathañca
M1.410 , bhikkhave , puggalo attahitāya paṭipanno hoti , no parahitāya ?Idha , bhikkhave , ekacco puggalo khippanisantī ca hoti kusalesu dhammesu , sutānañca dhammānaṃ dhārakajātiko [ dhāraṇajātiko ( ka .)] hoti , dhātānañca [ dhatānañca ( sī . syā . kaṃ . pī .)] dhammānaṃ atthūpaparikkhī hoti atthamaññāya dhammamaññāya , dhammānudhammappaṭipanno hoti ;
no ca kalyāṇavāco hoti kalyāṇavākkaraṇo poriyā vācāya samannāgato vissaṭṭhāya anelagalāya atthassa viññāpaniyā , no ca sandassako hoti samādapako [ samādāpako (?)] samuttejako sampahaṃsako sabrahmacārīnaṃ .
Evaṃ kho , bhikkhave , puggalo attahitāya paṭipanno hoti , no parahitāya .
‘‘ Kathañca , bhikkhave , puggalo parahitāya paṭipanno hoti , no attahitāya ?
Idha , bhikkhave , ekacco puggalo na heva kho khippanisantī hoti kusalesu dhammesu , no ca sutānaṃ dhammānaṃ dhārakajātiko hoti , no ca dhātānaṃ dhammānaṃ atthūpaparikkhī hoti , no ca atthamaññāya dhammamaññāya dhammānudhammappaṭipanno
T2.128 hoti ;kalyāṇavāco ca hoti kalyāṇavākkaraṇo poriyā vācāya samannāgato vissaṭṭhāya anelagalāya atthassa viññāpaniyā , sandassako ca hoti samādapako samuttejako sampahaṃsako sabrahmacārīnaṃ .
Evaṃ kho , bhikkhave , puggalo parahitāya paṭipanno hoti , no attahitāya .
‘‘ Kathañca
P2.98 , bhikkhave , puggalo nevattahitāya paṭipanno hoti , no parahitāya ?Idha , bhikkhave , ekacco puggalo na heva kho khippanisantī hoti kusalesu dhammesu , no ca sutānaṃ dhammānaṃ dhārakajātiko hoti , no ca dhātānaṃ dhammānaṃ atthūpaparikkhī hoti , no ca atthamaññāya
V1.113 dhammamaññāya dhammānudhammappaṭipanno hoti ;no ca kalyāṇavāco hoti kalyāṇavākkaraṇo poriyā vācāya samannāgato vissaṭṭhāya anelagalāya atthassa viññāpaniyā , no ca sandassako hoti samādapako samuttejako sampahaṃsako sabrahmacārīnaṃ .
Evaṃ kho , bhikkhave , puggalo nevattahitāya paṭipanno hoti , no parahitāya .
‘‘ Kathañca
M1.411 , bhikkhave , puggalo attahitāya ceva paṭipanno hoti parahitāya ca ?Idha , bhikkhave , ekacco puggalo khippanisantī ca hoti kusalesu dhammesu , sutānañca dhammānaṃ dhārakajātiko hoti , dhātānañca dhammānaṃ atthūpaparikkhī hoti atthamaññāya dhammamaññāya , dhammānudhammappaṭipanno hoti ;
kalyāṇavāco ca hoti kalyāṇavākkaraṇo poriyā vācāya samannāgato vissaṭṭhāya anelagalāya atthassa viññāpaniyā , sandassako ca hoti samādapako samuttejako sampahaṃsako sabrahmacārīnaṃ .
Evaṃ kho , bhikkhave , puggalo attahitāya ceva paṭipanno hoti
T2.129 parahitāya ca .Ime kho , bhikkhave , cattāro puggalā santo saṃvijjamānā lokasmin ’’ ti .
Sattamaṃ .