1. Padhānasuttaṃ
71.‘‘ Catūhi
V1.89 , bhikkhave , dhammehi samannāgato bhikkhu apaṇṇakappaṭipadaṃ paṭipanno hoti , yoni cassa āraddhā hoti āsavānaṃ khayāya .Katamehi catūhi ?
Idha , bhikkhave , bhikkhu sīlavā hoti , bahussuto hoti , āraddhavīriyo hoti , paññavā hoti .
Imehi kho , bhikkhave , catūhi dhammehi samannāgato bhikkhu apaṇṇakappaṭipadaṃ paṭipanno hoti , yoni cassa āraddhā hoti āsavānaṃ khayāyā ’’ ti .
Paṭhamaṃ .