10. Upakkilesasuttaṃ
50.‘‘ Cattārome
P2.53 , bhikkhave [ cūḷava .447], candimasūriyānaṃ upakkilesā , yehi upakkilesehi upakkiliṭṭhā candimasūriyā na tapanti na bhāsanti na virocanti .Katame cattāro ?
Abbhā , bhikkhave , candimasūriyānaṃ upakkilesā , yena upakkilesena upakkiliṭṭhā candimasūriyā na tapanti na bhāsanti na virocanti .
‘‘ Mahikā , bhikkhave , candimasūriyānaṃ upakkilesā , yena upakkilesena upakkiliṭṭhā candimasūriyā na tapanti na bhāsanti na virocanti .
‘‘ Dhūmo rajo , bhikkhave , candimasūriyānaṃ upakkileso , yena upakkilesena upakkiliṭṭhā candimasūriyā na tapanti na bhāsanti na virocanti .
‘‘ Rāhu
V1.61 , bhikkhave , asurindo candimasūriyānaṃ upakkileso , yena upakkilesena upakkiliṭṭhā candimasūriyā na tapanti na bhāsanti na virocanti .Ime kho
M1.363 , bhikkhave , cattāro candimasūriyānaṃ upakkilesā , yehi upakkilesehi upakkiliṭṭhā candimasūriyā na tapanti na bhāsanti na virocanti .‘‘ Evamevaṃ kho , bhikkhave , cattārome samaṇabrāhmaṇānaṃ upakkilesā , yehi upakkilesehi upakkiliṭṭhā eke samaṇabrāhmaṇā na tapanti na bhāsanti na virocanti .
Katame cattāro ?
Santi , bhikkhave
T2.69 , eke samaṇabrāhmaṇā suraṃ pivanti merayaṃ , surāmerayapānā appaṭiviratā .Ayaṃ , bhikkhave , paṭhamo samaṇabrāhmaṇānaṃ upakkileso , yena upakkilesena upakkiliṭṭhā eke samaṇabrāhmaṇā na tapanti na bhāsanti na virocanti .
‘‘ Santi , bhikkhave , eke samaṇabrāhmaṇā methunaṃ dhammaṃ paṭisevanti , methunasmā dhammā appaṭiviratā .
Ayaṃ , bhikkhave , dutiyo samaṇabrāhmaṇānaṃ upakkileso , yena upakkilesena upakkiliṭṭhā eke samaṇabrāhmaṇā na tapanti na bhāsanti na virocanti .
‘‘ Santi , bhikkhave , eke samaṇabrāhmaṇā jātarūparajataṃ sādiyanti , jātarūparajatapaṭiggahaṇā appaṭiviratā .
Ayaṃ , bhikkhave , tatiyo samaṇabrāhmaṇānaṃ upakkileso , yena upakkilesena upakkiliṭṭhā eke samaṇabrāhmaṇā na tapanti na bhāsanti na virocanti .
‘‘ Santi , bhikkhave , eke samaṇabrāhmaṇā micchājīvena jīvanti , micchājīvā appaṭiviratā .
Ayaṃ , bhikkhave , catuttho samaṇabrāhmaṇānaṃ upakkileso , yena upakkilesena upakkiliṭṭhā eke samaṇabrāhmaṇā na tapanti na bhāsanti na virocanti .
Ime kho , bhikkhave , cattāro samaṇabrāhmaṇānaṃ upakkilesā
P2.54 , yehi upakkilesehi upakkiliṭṭhā eke samaṇabrāhmaṇā na tapanti na bhāsanti na virocantī ’’ ti .‘‘ Rāgadosaparikkiṭṭhā , eke samaṇabrāhmaṇā ;
Avijjānivutā posā , piyarūpābhinandino .
‘‘ Suraṃ
V1.62 pivanti merayaṃ , paṭisevanti methunaṃ ;Rajataṃ
T2.70 jātarūpañca , sādiyanti aviddasū ;Micchājīvena jīvanti , eke samaṇabrāhmaṇā .
‘‘ Ete
M1.364 upakkilesā vuttā , buddhenādiccabandhunā ;Yehi upakkilesehi [ upakkiliṭṭhā ( sī . pī .)], eke samaṇabrāhmaṇā ;
Na tapanti na bhāsanti , asuddhā sarajā magā .
‘‘ Andhakārena onaddhā , taṇhādāsā sanettikā ;
Vaḍḍhenti kaṭasiṃ ghoraṃ , ādiyanti punabbhavan ’’ ti .
dasamaṃ ;
Rohitassavaggo pañcamo .
Tassuddānaṃ –
Samādhipañhā dve kodhā , rohitassāpare duve ;
Suvidūravisākhavipallāsā , upakkilesena te dasāti .
Paṭhamapaṇṇāsakaṃ samattaṃ .