(27)7. Kammapathavaggo
1. Pāṇātipātīsuttaṃ
264.‘‘ Catūhi
V1.290 , bhikkhave , dhammehi samannāgato yathābhataṃ nikkhitto evaṃ niraye .Katamehi catūhi ?
Attanā ca pāṇātipātī hoti , parañca pāṇātipāte samādapeti , pāṇātipāte ca samanuñño hoti , pāṇātipātassa ca vaṇṇaṃ bhāsati – imehi kho , bhikkhave , catūhi dhammehi samannāgato yathābhataṃ nikkhitto evaṃ niraye .
‘‘ Catūhi , bhikkhave , dhammehi samannāgato yathābhataṃ nikkhitto evaṃ sagge .
Katamehi catūhi ?
Attanā ca pāṇātipātā paṭivirato hoti , parañca pāṇātipātā veramaṇiyā samādapeti , pāṇātipātā veramaṇiyā ca samanuñño hoti , pāṇātipātā veramaṇiyā ca vaṇṇaṃ bhāsati – imehi kho , bhikkhave , catūhi dhammehi samannāgato yathābhataṃ nikkhitto evaṃ sagge ’’ ti .
Paṭhamaṃ .
2. Adinnādāyīsuttaṃ
265.‘‘ Catūhi , bhikkhave , dhammehi samannāgato yathābhataṃ nikkhitto evaṃ
T2.342 niraye .Katamehi catūhi ?
Attanā ca adinnādāyī hoti , parañca adinnādāne samādapeti , adinnādāne ca samanuñño hoti , adinnādānassa ca vaṇṇaṃ bhāsati – imehi kho … pe ….
‘‘ Attanā
P2.254 ca adinnādānā paṭivirato hoti , parañca adinnādānā veramaṇiyā samādapeti , adinnādānā veramaṇiyā ca samanuñño hoti , adinnādānā veramaṇiyā ca vaṇṇaṃ bhāsati – imehi kho , bhikkhave … pe ….Dutiyaṃ .
3. Micchācārīsuttaṃ
266.…
V1.291 AttanāM1.577 ca kāmesumicchācārī hoti , parañca kāmesumicchācāre samādapeti , kāmesumicchācāre ca samanuñño hoti , kāmesumicchācārassa ca vaṇṇaṃ bhāsati – imehi kho … pe ….Attanā ca kāmesumicchācārā paṭivirato hoti , parañca kāmesumicchācārā veramaṇiyā samādapeti , kāmesumicchācārā veramaṇiyā ca samanuñño hoti , kāmesumicchācārā veramaṇiyā ca vaṇṇaṃ bhāsati – imehi kho … pe ….
Tatiyaṃ .
4. Musāvādīsuttaṃ
267.… Attanā ca musāvādī hoti , parañca musāvāde samādapeti , musāvāde ca samanuñño hoti , musāvādassa ca vaṇṇaṃ bhāsati – imehi kho … pe ….
Attanā
T2.343 ca musāvādā paṭivirato hoti , parañca musāvādā veramaṇiyā samādapeti , musāvādā veramaṇiyā ca samanuñño hoti , musāvādā veramaṇiyā ca vaṇṇaṃ bhāsati – imehi … pe ….Catutthaṃ .
5. Pisuṇavācāsuttaṃ
268.… Attanā ca pisuṇavāco hoti , parañca pisuṇāya vācāya samādapeti , pisuṇāya vācāya ca samanuñño hoti , pisuṇāya vācāya ca vaṇṇaṃ bhāsati – imehi … pe ….
Attanā ca pisuṇāya vācāya paṭivirato hoti , parañca pisuṇāya vācāya veramaṇiyā samādapeti , pisuṇāya vācāya veramaṇiyā ca samanuñño hoti , pisuṇāya vācāya veramaṇiyā ca vaṇṇaṃ bhāsati – imehi … pe ….
Pañcamaṃ .
6. Pharusavācāsuttaṃ
269.…
V1.292 Attanā ca pharusavāco hoti , parañca pharusāya vācāya samādapeti , pharusāya vācāya ca samanuñño hoti , pharusāya vācāya ca vaṇṇaṃ bhāsati … pe ….Attanā
M1.578 ca pharusāya vācāya paṭivirato hoti , parañca pharusāya vācāya veramaṇiyā samādapeti , pharusāya vācāya veramaṇiyāP2.255 ca samanuñño hoti , pharusāya vācāya veramaṇiyā ca vaṇṇaṃ bhāsati – imehi kho … pe ….Chaṭṭhaṃ .
7. Samphappalāpasuttaṃ
270.… Attanā ca samphappalāpī hoti , parañca samphappalāpe samādapeti , samphappalāpe ca samanuñño hoti , samphappalāpassa ca vaṇṇaṃ bhāsati – imehi … pe ….
Attanā
M1.579 ca samphappalāpā paṭivirato hoti , parañca samphappalāpā veramaṇiyā samādapeti , samphappalāpā veramaṇiyā ca samanuñño hoti , samphappalāpā veramaṇiyā ca vaṇṇaṃ bhāsati – imehi kho , bhikkhave … pe ….Sattamaṃ .
8. Abhijjhālusuttaṃ
271.… Attanā ca abhijjhālu hoti , parañca abhijjhāya samādapeti , abhijjhāya ca samanuñño hoti , abhijjhāya ca vaṇṇaṃ bhāsati … pe ….
‘‘ Attanā
T2.344 ca anabhijjhālu hoti , parañca anabhijjhāya samādapeti , anabhijjhāya ca samanuññoV1.293 hoti , anabhijjhāya ca vaṇṇaṃ bhāsati – imehi kho … pe ….Aṭṭhamaṃ .
9. Byāpannacittasuttaṃ
272.… Attanā ca byāpannacitto hoti , parañca byāpāde samādapeti , byāpāde ca samanuñño hoti , byāpādassa ca vaṇṇaṃ bhāsati – imehi … pe ….
Attanā ca abyāpannacitto hoti , parañca abyāpāde samādapeti , abyāpāde ca samanuñño hoti , abyāpādassa ca vaṇṇaṃ bhāsati – imehi kho … pe ….
Navamaṃ .
10. Micchādiṭṭhisuttaṃ
273.… Attanā ca micchādiṭṭhiko hoti , parañca micchādiṭṭhiyā samādapeti , micchādiṭṭhiyā ca samanuñño hoti , micchādiṭṭhiyā ca vaṇṇaṃ bhāsati – imehi … pe ….
Attanā ca sammādiṭṭhiko hoti , parañca sammādiṭṭhiyā samādapeti , sammādiṭṭhiyā ca samanuñño hoti , sammādiṭṭhiyā ca vaṇṇaṃ bhāsati – imehi
P2.256 kho , bhikkhave , catūhi dhammehi samannāgato yathābhataṃ nikkhitto evaṃ saggeti .Dasamaṃ .
Kammapathavaggo sattamo .