9. Dhammapadasuttaṃ
29.‘‘ Cattārimāni , bhikkhave , dhammapadāni aggaññāni rattaññāni vaṃsaññāni porāṇāni asaṃkiṇṇāni asaṃkiṇṇapubbāni , na saṃkīyanti na saṃkīyissanti , appaṭikuṭṭhāni samaṇehi brāhmaṇehi viññūhi .
Katamāni cattāri ?
Anabhijjhā , bhikkhave , dhammapadaṃ aggaññaṃ rattaññaṃ vaṃsaññaṃ porāṇaṃ asaṃkiṇṇaṃ asaṃkiṇṇapubbaṃ , na saṃkīyati na saṃkīyissati , appaṭikuṭṭhaṃ samaṇehi brāhmaṇehi viññūhi .
‘‘ Abyāpādo , bhikkhave , dhammapadaṃ aggaññaṃ rattaññaṃ vaṃsaññaṃ porāṇaṃ asaṃkiṇṇaṃ asaṃkiṇṇapubbaṃ , na saṃkīyati na saṃkīyissati , appaṭikuṭṭhaṃ samaṇehi brāhmaṇehi viññūhi .
‘‘ Sammāsati
M1.338 , bhikkhave , dhammapadaṃ aggaññaṃ rattaññaṃ vaṃsaññaṃ porāṇaṃ asaṃkiṇṇaṃ asaṃkiṇṇapubbaṃ , na saṃkīyati na saṃkīyissati , appaṭikuṭṭhaṃ samaṇehi brāhmaṇehi viññūhi .‘‘ Sammāsamādhi , bhikkhave , dhammapadaṃ aggaññaṃ rattaññaṃ vaṃsaññaṃ porāṇaṃ asaṃkiṇṇaṃ asaṃkiṇṇapubbaṃ , na saṃkīyati na saṃkīyissati , appaṭikuṭṭhaṃ samaṇehi brāhmaṇehi viññūhi .
Imāni kho , bhikkhave , cattāri dhammapadāni aggaññāni rattaññāni vaṃsaññāni porāṇāni asaṃkiṇṇāni asaṃkiṇṇapubbāni , na saṃkīyanti na saṃkīyissanti , appaṭikuṭṭhāni
T2.38 samaṇehi brāhmaṇehi viññūhī ’’ ti .‘‘ Anabhijjhālu
V1.35 vihareyya , abyāpannena cetasā ;Sato ekaggacittassa [ ekaggacittāyaṃ ( ka .)], ajjhattaṃ susamāhito ’’ ti .
navamaṃ ;