4. Kodhagarusuttaṃ
84.‘‘ Catūhi , bhikkhave , dhammehi samannāgato yathābhataṃ nikkhitto evaṃ niraye .
Katamehi catūhi ?
Kodhagaru hoti na saddhammagaru , makkhagaru hoti na saddhammagaru , lābhagaru hoti na saddhammagaru , sakkāragaru hoti na saddhammagaru – imehi kho , bhikkhave , catūhi dhammehi samannāgato yathābhataṃ nikkhitto evaṃ niraye .
‘‘ Catūhi
P2.85 , bhikkhave , dhammehi samannāgato yathābhataṃ nikkhitto evaṃ sagge .Katamehi catūhi ?
Saddhammagaru hoti na kodhagaru , saddhammagaru hoti na makkhagaru , saddhammagaru hoti na lābhagaru , saddhammagaru hoti na sakkāragaru – imehi kho , bhikkhave , catūhi dhammehi samannāgato yathābhataṃ nikkhitto evaṃ sagge ’’ ti .
Catutthaṃ .