3. Sattakammasuttaṃ
203.‘‘ Asappurisañca vo , bhikkhave , desessāmi , asappurisena asappurisatarañca
P2.219 ;sappurisañca , sappurisena sappurisatarañca .
Taṃ suṇātha … pe ….
‘‘ Katamo
T2.300 ca , bhikkhave , asappuriso ?Idha , bhikkhave , ekacco pāṇātipātī hoti , adinnādāyī hoti , kāmesumicchācārī hoti , musāvādī hoti , pisuṇavāco hoti , pharusavāco hoti , samphappalāpī hoti .
Ayaṃ vuccati , bhikkhave , asappuriso .
‘‘ Katamo ca , bhikkhave , asappurisena asappurisataro ?
Idha , bhikkhave , ekacco attanā ca pāṇātipātī hoti , parañca pāṇātipāte samādapeti ;
attanā ca adinnādāyī hoti , parañca adinnādāne samādapeti ;
attanā ca kāmesumicchācārī hoti , parañca kāmesumicchācāre samādapeti ;
attanā ca musāvādī hoti , parañca musāvāde samādapeti ;
attanā ca pisuṇavāco hoti , parañca pisuṇāya vācāya samādapeti ;
attanā ca pharusavāco
V1.250 hoti , parañca pharusāya vācāya samādapeti ;attanā ca samphappalāpī hoti , parañca samphappalāpe samādapeti .
Ayaṃ vuccati , bhikkhave , asappurisena asappurisataro .
‘‘ Katamo ca , bhikkhave , sappuriso ?
Idha , bhikkhave , ekacco pāṇātipātā paṭivirato hoti , adinnādānā paṭivirato hoti , kāmesumicchācārā paṭivirato hoti , musāvādā paṭivirato hoti , pisuṇāya vācāya paṭivirato hoti , pharusāya vācāya paṭivirato , hoti , samphappalāpā paṭivirato hoti .
Ayaṃ vuccati , bhikkhave , sappuriso .
‘‘ Katamo
M1.542 ca , bhikkhave , sappurisena sappurisataro ?Idha bhikkhave , ekacco attanā ca pāṇātipātā paṭivirato hoti , parañca pāṇātipātā veramaṇiyā samādapeti ;
attanā ca adinnādānā paṭivirato
T2.301 hoti , parañca adinnādānā veramaṇiyā samādapeti ;attanā ca kāmesumicchācārā paṭivirato hoti , parañca kāmesumicchācārā veramaṇiyā samādapeti ;
attanā ca musāvādā paṭivirato hoti , parañca musāvādā veramaṇiyā samādapeti ;
attanā ca pisuṇāya vācāya paṭivirato hoti , parañca pisuṇāya vācāya veramaṇiyā samādapeti ;
attanā ca pharusāya vācāya paṭivirato hoti , parañca pharusāya vācāya veramaṇiyā samādapeti ;
attanā ca samphappalāpā paṭivirato hoti , parañca samphappalāpā veramaṇiyā samādapeti .
Ayaṃ vuccati , bhikkhave , sappurisena sappurisataro ’’ ti .
Tatiyaṃ .