7. Suvidūrasuttaṃ
47.‘‘ Cattārimāni , bhikkhave , suvidūravidūrāni .
Katamāni cattāri ?
Nabhañca
T2.65 , bhikkhave , pathavī ca ;idaṃ paṭhamaṃ suvidūravidūre .
Orimañca , bhikkhave , tīraṃ samuddassa pārimañca ;
idaṃ dutiyaṃ suvidūravidūre .
Yato ca , bhikkhave , verocano abbhudeti
M1.360 yattha ca atthameti [ atthaṅgameti ( syā .), veti ( ka .)];idaṃ tatiyaṃ suvidūravidūre .
Satañca , bhikkhave , dhammo asatañca dhammo ;
idaṃ catutthaṃ suvidūravidūre .
Imāni kho , bhikkhave , cattāri suvidūravidūrānī ’’ ti .
[ jā .2.21.414,448]‘‘ Nabhañca
V1.58P2.51 dūre pathavī ca dūre ,Pāraṃ samuddassa tadāhu dūre ;
Yato ca verocano abbhudeti ,
Pabhaṅkaro yattha ca atthameti ;
Tato have dūrataraṃ vadanti ,
Satañca dhammaṃ asatañca dhammaṃ .
‘‘ Abyāyiko hoti sataṃ samāgamo ,
Yāvāpi [ yāvampi ( sī . syā . kaṃ . pī .)] tiṭṭheyya tatheva hoti ;
Khippañhi veti asataṃ samāgamo ,
Tasmā sataṃ dhammo asabbhi ārakā ’’ ti .
sattamaṃ ;