1. Saṅghabhedakasuttaṃ
243. Ekaṃ
M1.562V1.275 samayaṃ bhagavā kosambiyaṃ viharati ghositārāme .Atha kho āyasmā ānando yena bhagavā tenupasaṅkami ;
upasaṅkamitvā bhagavantaṃ abhivādetvā ekamantaṃ nisīdi .
Ekamantaṃ nisinnaṃ kho āyasmantaṃ ānandaṃ bhagavā etadavoca –
‘‘ api nu taṃ , ānanda , adhikaraṇaṃ vūpasantan ’’ ti ?
‘‘ Kuto taṃ , bhante , adhikaraṇaṃ vūpasamissati [ vūpasammissati (?)]!
Āyasmato
T2.325 , bhante , anuruddhassa bāhiyo nāma saddhivihāriko kevalakappaṃ saṅghabhedāya ṭhito .Tatrāyasmā anuruddho na ekavācikampi bhaṇitabbaṃ maññatī ’’ ti .
‘‘ Kadā panānanda , anuruddho saṅghamajjhe adhikaraṇesu [ adhikaraṇesu tesu ( ka .)] voyuñjati !
Nanu , ānanda , yāni kānici adhikaraṇāni uppajjanti , sabbāni tāni tumhe ceva vūpasametha sāriputtamoggallānā ca .
‘‘ Cattārome , ānanda , atthavase sampassamāno pāpabhikkhu saṅghabhedena nandati .
Katame cattāro ?
Idhānanda , pāpabhikkhu dussīlo hoti pāpadhammo asuci saṅkassarasamācāro paṭicchannakammanto assamaṇo samaṇapaṭiñño abrahmacārī brahmacāripaṭiñño antopūti
P2.240 avassuto kasambujāto .Tassa evaṃ hoti –
‘ sace kho maṃ bhikkhū jānissanti – dussīlo pāpadhammo asuci saṅkassarasamācāro paṭicchannakammanto assamaṇo samaṇapaṭiñño abrahmacārī brahmacāripaṭiñño antopūti avassuto kasambujātoti , samaggā maṃ santā nāsessanti ;
vaggā pana maṃ na nāsessantī ’ ti .
Idaṃ , ānanda , paṭhamaṃ atthavasaṃ sampassamāno pāpabhikkhu saṅghabhedena nandati .
‘‘ Puna caparaṃ , ānanda , pāpabhikkhu micchādiṭṭhiko hoti , antaggāhikāya diṭṭhiyā samannāgato .
Tassa evaṃ hoti –
‘ sace kho maṃ bhikkhū jānissanti – micchādiṭṭhiko antaggāhikāya
V1.276 diṭṭhiyā samannāgatoti , samaggā maṃ santā nāsessanti ;vaggā pana maṃ na nāsessantī ’ ti .
Idaṃ , ānanda , dutiyaṃ atthavasaṃ sampassamāno pāpabhikkhu saṅghabhedena nandati .
‘‘ Puna
M1.563 caparaṃ , ānanda , pāpabhikkhu micchāājīvo hoti , micchāājīvenaT2.326 jīvikaṃ [ jīvitaṃ ( syā . kaṃ . pī . ka .)] kappeti .Tassa evaṃ hoti –
‘ sace kho maṃ bhikkhū jānissanti – micchāājīvo micchāājīvena jīvikaṃ kappetīti , samaggā maṃ santā nāsessanti ;
vaggā pana maṃ na nāsessantī ’ ti .
Idaṃ , ānanda , tatiyaṃ atthavasaṃ sampassamāno pāpabhikkhu saṅghabhedena nandati .
‘‘ Puna caparaṃ , ānanda , pāpabhikkhu lābhakāmo hoti sakkārakāmo anavaññattikāmo .
Tassa evaṃ hoti –
‘ sace kho maṃ bhikkhū jānissanti – lābhakāmo sakkārakāmo anavaññattikāmoti , samaggā maṃ santā na sakkarissanti na garuṃ karissanti na mānessanti na pūjessanti ;
vaggā pana maṃ sakkarissanti garuṃ karissanti mānessanti pūjessantī ’ ti .
Idaṃ , ānanda , catutthaṃ atthavasaṃ sampassamāno pāpabhikkhu saṅghabhedena nandati .
Ime kho , ānanda , cattāro atthavase sampassamāno pāpabhikkhu saṅghabhedena nandatī ’’ ti .
Paṭhamaṃ .