Issues
Editor
Settings
Versions
Select Version
sāsanāre-သာသနာရေး
မြန်မာဘာသာ
Bhikkhu Bodhi
English
Catukkanipātapāḷi
Catukkanipātapāḷi

6. Paṭhamaājānīyasuttaṃ

Author： _System_Pali_VRI_ @ Administrator

6. Paṭhamaājānīyasuttaṃ

259.‘‘ CatūhiP2.250 , bhikkhave , aṅgehi samannāgato rañño bhadro assājānīyo rājāraho hoti rājabhoggo , rañño aṅganteva saṅkhaṃM1.573 gacchati .
Katamehi catūhi ?
Idha , bhikkhave , rañño bhadro assājānīyo vaṇṇasampanno ca hoti balasampanno ca javasampanno ca ārohapariṇāhasampanno ca .
Imehi kho , bhikkhave , catūhi aṅgehi samannāgato rañño bhadro assājānīyo rājāraho hoti rājabhoggo , rañño aṅganteva saṅkhaṃ gacchati .
‘‘ Evamevaṃ kho , bhikkhave , catūhi dhammehi samannāgato bhikkhu āhuneyyo hoti … pe … anuttaraṃ puññakkhettaṃ lokassa .
Katamehi catūhi ?
Idha , bhikkhave , bhikkhu vaṇṇasampanno ca hoti balasampanno ca javasampanno ca ārohapariṇāhasampanno ca .
‘‘ Kathañca , bhikkhave , bhikkhu vaṇṇasampanno hoti ?
Idha , bhikkhave , bhikkhu sīlavā hoti … pe … samādāya sikkhatiT2.338 sikkhāpadesu .
Evaṃ kho , bhikkhave , bhikkhu vaṇṇasampanno hoti .
‘‘ Kathañca , bhikkhave , bhikkhu balasampanno hoti ?
Idha , bhikkhave , bhikkhu āraddhavīriyo viharati akusalānaṃ dhammānaṃ pahānāya , kusalānaṃ dhammānaṃ upasampadāya , thāmavā daḷhaparakkamo anikkhittadhuro kusalesu dhammesu .
Evaṃ kho , bhikkhave , bhikkhu balasampanno hoti .
‘‘ Kathañca , bhikkhave , bhikkhu javasampanno hoti ?
Idha , bhikkhave , bhikkhu ‘ idaṃ dukkhan ’ tiV1.287 yathābhūtaṃ pajānāti … pe …‘ ayaṃ dukkhanirodhagāminī paṭipadā ’ ti yathābhūtaṃ pajānāti .
Evaṃ kho , bhikkhave , bhikkhu javasampanno hoti .
‘‘ Kathañca , bhikkhave , bhikkhu ārohapariṇāhasampanno hoti ?
Idha , bhikkhave , bhikkhu lābhī hoti cīvarapiṇḍapātasenāsanagilānapaccayabhesajjaparikkhārānaṃ .
Evaṃ kho , bhikkhave , bhikkhu ārohapariṇāhasampanno hotiP2.251 .
‘‘ Imehi kho , bhikkhave , catūhi dhammehi samannāgato bhikkhu āhuneyyo hoti … pe … anuttaraṃ puññakkhettaṃ lokassā ’’ ti .
Chaṭṭhaṃ .