9. Sacchikaraṇīyasuttaṃ
189.‘‘ Cattārome
V1.211 , bhikkhave , sacchikaraṇīyā dhammā .Katame cattāro ?
Atthi
P2.183 , bhikkhave , dhammā kāyena sacchikaraṇīyā ;atthi , bhikkhave , dhammā satiyā sacchikaraṇīyā ;
atthi , bhikkhave , dhammā cakkhunā sacchikaraṇīyā ;
atthi , bhikkhave , dhammā paññāya sacchikaraṇīyā .
Katame ca , bhikkhave , dhammā kāyena sacchikaraṇīyā ?
Aṭṭha vimokkhā , bhikkhave , kāyena sacchikaraṇīyā .
‘‘ Katame ca , bhikkhave , dhammā satiyā sacchikaraṇīyā ?
Pubbenivāso , bhikkhave , satiyā sacchikaraṇīyo .
‘‘ Katame ca , bhikkhave , dhammā cakkhunā sacchikaraṇīyā ?
Sattānaṃ cutūpapāto , bhikkhave , cakkhunā sacchikaraṇīyo .
‘‘ Katame ca , bhikkhave , dhammā paññāya sacchikaraṇīyā ?
Āsavānaṃ khayo , bhikkhave , paññāya sacchikaraṇīyo .
Ime kho , bhikkhave , cattāro sacchikaraṇīyā dhammā ’’ ti .
Navamaṃ .