(18)3. Sañcetaniyavaggo

1. Cetanāsuttaṃ

171.[ kathā .539]‘‘ KāyeV1.183 vā , bhikkhave , sati kāyasañcetanāhetu uppajjati ajjhattaṃP2.158 sukhadukkhaṃ .

Vācāya vā , bhikkhave , sati vacīsañcetanāhetu uppajjati ajjhattaṃ sukhadukkhaṃ .

Mane vā , bhikkhave , sati manosañcetanāhetu uppajjati ajjhattaṃ sukhadukkhaṃ avijjāpaccayāva .

‘‘ Sāmaṃ vā taṃ , bhikkhave , kāyasaṅkhāraṃ abhisaṅkharoti , yaṃpaccayāssa taṃ uppajjati ajjhattaṃ sukhadukkhaṃ .

Pare vāssa [ pare vā tassa ( ka .)] taṃ , bhikkhave , kāyasaṅkhāraṃ abhisaṅkharonti , yaṃpaccayāssa taṃ uppajjati ajjhattaṃ sukhadukkhaṃ .

Sampajāno vā taṃ , bhikkhave , kāyasaṅkhāraṃ abhisaṅkharoti , yaṃpaccayāssa taṃ uppajjati ajjhattaṃ sukhadukkhaṃ .

Asampajāno vā taṃ , bhikkhave , kāyasaṅkhāraṃ abhisaṅkharoti , yaṃpaccayāssa taṃ uppajjati ajjhattaṃ sukhadukkhaṃ .

‘‘ Sāmaṃ vā taṃ , bhikkhave , vacīsaṅkhāraṃ abhisaṅkharoti , yaṃpaccayāssa taṃ uppajjati ajjhattaṃ sukhadukkhaṃ ;

pare vāssa taṃ , bhikkhaveT2.214 , vacīsaṅkhāraṃ abhisaṅkharonti ;

yaṃpaccayāssa taṃ uppajjati ajjhattaṃ sukhadukkhaṃ ;

sampajāno vā taṃ , bhikkhave , vacīsaṅkhāraṃM1.477 abhisaṅkharoti , yaṃpaccayāssa taṃ uppajjati ajjhattaṃ sukhadukkhaṃ ;

asampajāno vā taṃ , bhikkhave , vacīsaṅkhāraṃ abhisaṅkharoti , yaṃpaccayāssa taṃ uppajjati ajjhattaṃ sukhadukkhaṃ .

‘‘ Sāmaṃ vā taṃ , bhikkhave , manosaṅkhāraṃ abhisaṅkharoti , yaṃpaccayāssa taṃ uppajjati ajjhattaṃ sukhadukkhaṃ ;

pare vāssa taṃ , bhikkhave , manosaṅkhāraṃ abhisaṅkharonti , yaṃpaccayāssa taṃ uppajjati ajjhattaṃ sukhadukkhaṃ ;

sampajāno vā taṃ , bhikkhave , manosaṅkhāraṃ abhisaṅkharoti , yaṃpaccayāssa taṃ uppajjati ajjhattaṃ sukhadukkhaṃ ;

asampajāno vā taṃ , bhikkhave , manosaṅkhāraṃ abhisaṅkharoti , yaṃpaccayāssa taṃ uppajjati ajjhattaṃ sukhadukkhaṃ .

‘‘ ImesuV1.184 , bhikkhave , dhammesu avijjā anupatitā , avijjāyatveva asesavirāganirodhā so kāyo na hoti yaṃpaccayāssa taṃ uppajjati ajjhattaṃ sukhadukkhaṃ , sā vācā na hoti yaṃpaccayāssa taṃ uppajjati ajjhattaṃ sukhadukkhaṃ , so mano na hoti yaṃpaccayāssa taṃ uppajjati ajjhattaṃ sukhadukkhaṃ , khettaṃ taṃ [ vatthuṃ taṃ ( sabbattha )] na hoti … pe … vatthuṃ taṃP2.159 na hoti … pe … āyatanaṃ taṃ na hoti … pe … adhikaraṇaṃ taṃ na hoti yaṃpaccayāssa taṃ uppajjati ajjhattaṃ sukhadukkhan ’’ ti .

‘‘ Cattārome , bhikkhave , attabhāvapaṭilābhā .

Katame cattāro ?

Atthi , bhikkhave , attabhāvapaṭilābho , yasmiṃ attabhāvapaṭilābhe attasañcetanā kamati , no parasañcetanā .

Atthi , bhikkhave , attabhāvapaṭilābho , yasmiṃ attabhāvapaṭilābhe parasañcetanā kamati , no attasañcetanā .

Atthi , bhikkhave , attabhāvapaṭilābho , yasmiṃ attabhāvapaṭilābhe attasañcetanā ca kamati parasañcetanā ca .

Atthi , bhikkhave , attabhāvapaṭilābho , yasmiṃ attabhāvapaṭilābhe nevattasañcetanā kamati , no parasañcetanā .

Ime kho , bhikkhave , cattāro attabhāvapaṭilābhā ’’ ti .

Evaṃ vutte āyasmā sāriputtoT2.215 bhagavantaṃ etadavoca –

‘‘ imassa kho ahaṃ , bhante , bhagavatā saṃkhittena bhāsitassa evaṃ vitthārena atthaṃ ājānāmi –

‘ tatra , bhante , yāyaṃ attabhāvapaṭilābho yasmiṃ attabhāvapaṭilābhe attasañcetanā kamati no parasañcetanā , attasañcetanāhetu tesaṃ sattānaṃ tamhā kāyā cuti hoti .

Tatra , bhante , yāyaṃ attabhāvapaṭilābhoM1.478 yasmiṃ attabhāvapaṭilābhe parasañcetanā kamati no attasañcetanā , parasañcetanāhetu tesaṃ sattānaṃ tamhā kāyā cuti hoti .

Tatra , bhante , yāyaṃ attabhāvapaṭilābho yasmiṃ attabhāvapaṭilābhe attasañcetanā ca kamati parasañcetanā ca , attasañcetanā ca parasañcetanā ca hetu tesaṃ sattānaṃ tamhā kāyā cuti hoti .

Tatra , bhante , yāyaṃ attabhāvapaṭilābho yasmiṃ attabhāvapaṭilābhe neva attasañcetanā kamati no parasañcetanā , katame tena devā daṭṭhabbā ’’’ ti ?

‘‘ Nevasaññānāsaññāyatanūpagā , sāriputta , devā tena daṭṭhabbā ’’ ti .

‘‘ Ko nu kho , bhante , hetu ko paccayo , yena midhekacce sattā tamhā kāyā cutā āgāminoV1.185 honti āgantāro itthattaṃ ?

Ko pana , bhante , hetu ko paccayo , yena midhekacceP2.160 sattā tamhā kāyā cutā anāgāmino honti anāgantāro itthattan ’’ ti ?

‘‘ Idha , sāriputta , ekaccassa puggalassa orambhāgiyāni saṃyojanāni appahīnāni honti , so diṭṭheva dhamme nevasaññānāsaññāyatanaṃ upasampajja viharati .

So tadassādeti , taṃ nikāmeti , tena ca vittiṃ āpajjati ;

tattha ṭhito tadadhimutto tabbahulavihārī aparihīno kālaṃ kurumāno nevasaññānāsaññāyatanūpagānaṃ devānaṃ sahabyataṃ upapajjati .

So tato cuto āgāmī hoti āgantā itthattaṃ .

‘‘ Idha pana , sāriputta , ekaccassa puggalassa orambhāgiyāni saṃyojanāni pahīnāni honti , so diṭṭheva dhamme nevasaññānāsaññāyatanaṃ upasampajja viharati .

So tadassādeti , taṃ nikāmeti , tena ca vittiṃ āpajjati ;

tattha ṭhito tadadhimuttoT2.216 tabbahulavihārī aparihīno kālaṃ kurumāno nevasaññānāsaññāyatanūpagānaṃ devānaṃ sahabyataṃ upapajjati .

So tato cuto anāgāmī hoti anāgantā itthattaṃ .

‘‘ Ayaṃ kho , sāriputta , hetu ayaṃ paccayo , yena midhekacce sattā tamhā kāyā cutā āgāmino honti āgantāro itthattaṃ .

Ayaṃ pana , sāriputta , hetu ayaṃ paccayo , yena midhekacce sattā tamhā kāyā cutā anāgāmino honti anāgantāro itthattan ’’ ti .

Paṭhamaṃ .

2. Vibhattisuttaṃ

172. TatraM1.479 kho āyasmā sāriputto bhikkhū āmantesi –

‘‘ āvuso bhikkhave ’’ ti .

‘‘ Āvuso ’’ ti kho te bhikkhū āyasmato sāriputtassa paccassosuṃ .

Āyasmā sāriputto etadavoca –

‘‘ Addhamāsūpasampannena me , āvuso , atthapaṭisambhidā sacchikatā odhiso byañjanaso .

Tamahaṃ anekapariyāyena ācikkhāmi desemi paññāpemi paṭṭhapemi vivarāmi vibhajāmi uttānīkaromi .

Yassa kho panassa kaṅkhā vā vimati vā , soT2.217 maṃ pañhena .

Ahaṃ veyyākaraṇena sammukhībhūto no satthā yo no dhammānaṃ sukusalo .

‘‘ AddhamāsūpasampannenaV1.186 me , āvuso , dhammapaṭisambhidā sacchikatā odhiso byañjanaso .

Tamahaṃ anekapariyāyena ācikkhāmi desemi paññāpemi paṭṭhapemi vivarāmi vibhajāmi uttānīkaromi .

Yassa kho panassa kaṅkhā vā vimati vā , so maṃ pañhena .

Ahaṃ veyyākaraṇena sammukhībhūto no satthā yo no dhammānaṃ sukusalo .

‘‘ Addhamāsūpasampannena me , āvuso , niruttipaṭisambhidā sacchikatā odhiso byañjanaso .

Tamahaṃ anekapariyāyena ācikkhāmi desemi paññāpemi paṭṭhapemi vivarāmi vibhajāmi uttānīkaromi .

Yassa kho panassa kaṅkhā vā vimati vā , so maṃ pañhena .

Ahaṃ veyyākaraṇena sammukhībhūto no satthā yo no dhammānaṃ sukusalo .

‘‘ Addhamāsūpasampannena me , āvuso , paṭibhānapaṭisambhidā sacchikatā odhiso byañjanaso .

Tamahaṃ anekapariyāyena ācikkhāmi desemi paññāpemi paṭṭhapemi vivarāmi vibhajāmi uttānīkaromi .

Yassa kho panassa kaṅkhā vā vimati vā , so maṃ pañhena .

Ahaṃ veyyākaraṇena sammukhībhūto no satthā yo no dhammānaṃ sukusalo ’’ ti .

Dutiyaṃ .

3. Mahākoṭṭhikasuttaṃ

173. AthaP2.161 kho āyasmā mahākoṭṭhiko yenāyasmā sāriputto tenupasaṅkami ;

upasaṅkamitvā āyasmatā sāriputtena saddhiṃ sammodi .

Sammodanīyaṃ kathaṃ sāraṇīyaṃ vītisāretvā ekamantaṃ nisīdi .

EkamantaṃM1.480 nisinnoT2.218 kho āyasmā mahākoṭṭhiko āyasmantaṃ sāriputtaṃ etadavoca –

‘‘ Channaṃ , āvuso , phassāyatanānaṃ asesavirāganirodhā atthaññaṃ kiñcī ’’ ti ?

‘‘ Mā hevaṃ , āvuso ’’.

‘‘ ChannaṃV1.187 , āvuso , phassāyatanānaṃ asesavirāganirodhā natthaññaṃ kiñcī ’’ ti ?

‘‘ Mā hevaṃ , āvuso ’’.

‘‘ Channaṃ , āvuso , phassāyatanānaṃ asesavirāganirodhā atthi ca natthi ca aññaṃ kiñcī ’’ ti ?

‘‘ Mā hevaṃ , āvuso ’’.

‘‘ Channaṃ , āvuso , phassāyatanānaṃ asesavirāganirodhā nevatthi no natthaññaṃ kiñcī ’’ ti ?

‘‘ Mā hevaṃ , āvuso ’’.

‘‘‘ Channaṃ , āvuso , phassāyatanānaṃ asesavirāganirodhā atthaññaṃ kiñcī ’ ti , iti puṭṭho samāno ‘ mā hevaṃ , āvuso ’ ti vadesi .

‘ Channaṃ , āvuso , phassāyatanānaṃ asesavirāganirodhā natthaññaṃ kiñcī ’ ti , iti puṭṭho samāno –

‘ mā hevaṃ , āvuso ’ ti vadesi .

‘ Channaṃ , āvuso , phassāyatanānaṃ asesavirāganirodhā atthi ca natthi ca aññaṃ kiñcī ’ ti , iti puṭṭho samāno –

‘ mā hevaṃ , āvuso ’ ti vadesi .

‘ Channaṃ , āvuso , phassāyatanānaṃ asesavirāganirodhāT2.219 nevatthi no natthaññaṃ kiñcī ’ ti , iti puṭṭho samāno –

‘ mā hevaṃ , āvuso ’ ti vadesi .

Yathā kathaṃ pana , āvuso , imassa bhāsitassa attho daṭṭhabbo ’’ ti ?

‘‘‘ Channaṃ , āvuso , phassāyatanānaṃ asesavirāganirodhā atthaññaṃ kiñcī ’ ti , iti vadaṃ appapañcaṃ papañceti .

‘ Channaṃ , āvuso , phassāyatanānaṃ asesavirāganirodhā natthaññaṃ kiñcī ’ ti , iti vadaṃ appapañcaṃ papañceti .

‘ Channaṃ , āvuso , phassāyatanānaṃ asesavirāganirodhā atthi ca natthi ca aññaṃ kiñcī ’ ti , iti vadaṃ appapañcaṃ papañceti .

‘ Channaṃ , āvuso , phassāyatanānaṃ asesavirāganirodhā nevatthi no natthaññaṃ kiñcī ’ ti , iti vadaṃ appapañcaṃ papañceti .

Yāvatā , āvuso , channaṃ phassāyatanānaṃ gati tāvatā papañcassa gati ;

yāvatā papañcassa gatiP2.162 tāvatā channaṃ phassāyatanānaṃ gati .

Channaṃ , āvuso , phassāyatanānaṃ asesavirāganirodhā papañcanirodho papañcavūpasamo ’’ ti .

Tatiyaṃ .

4. Ānandasuttaṃ

174. Atha kho āyasmā ānando yenāyasmā mahākoṭṭhiko tenupasaṅkami ;

upasaṅkamitvā āyasmatā mahākoṭṭhikena saddhiṃM1.481 sammodi .

Sammodanīyaṃ kathaṃ sāraṇīyaṃ vītisāretvāV1.188 ekamantaṃ nisīdi .

Ekamantaṃ nisinno kho āyasmā ānando āyasmantaṃ mahākoṭṭhikaṃ etadavoca –

‘‘ Channaṃ , āvuso , phassāyatanānaṃ asesavirāganirodhā atthaññaṃ kiñcī ’’ ti ?

‘‘ Mā hevaṃ , āvuso ’’.

‘‘ Channaṃ , āvuso , phassāyatanānaṃ asesavirāganirodhā natthaññaṃ kiñcī ’’ ti ?

‘‘ Mā hevaṃ , āvuso ’’.

‘‘ Channaṃ , āvuso , phassāyatanānaṃ asesavirāganirodhā atthi ca natthi ca aññaṃ kiñcī ’’ ti ?

‘‘ Mā hevaṃ , āvuso ’’.

‘‘ Channaṃ , āvuso , phassāyatanānaṃ asesavirāganirodhā nevatthi no natthaññaṃ kiñcī ’’ ti ?

‘‘ Mā hevaṃ , āvuso ’’.

‘‘‘ Channaṃ , āvuso , phassāyatanānaṃ asesavirāganirodhā atthaññaṃ kiñcī ’ ti , iti puṭṭho samāno –

‘ mā hevaṃ , āvuso ’ ti vadesi .

‘ Channaṃ , āvuso , phassāyatanānaṃ asesavirāganirodhā natthaññaṃ kiñcī ’ ti , iti puṭṭho samāno –

‘ mā hevaṃ , āvuso ’ ti vadesi .

‘ Channaṃ , āvuso , phassāyatanānaṃ asesavirāganirodhā atthi ca natthi ca aññaṃ kiñcī ’ ti , iti puṭṭho samāno –

‘ mā hevaṃ , āvuso ’ ti vadesi .

‘ Channaṃ , āvuso , phassāyatanānaṃ asesavirāganirodhā nevatthi no natthaññaṃ kiñcī ’ ti , iti puṭṭho samāno –

‘ mā hevaṃ , āvuso ’ ti vadesiT2.220 .

Yathā kathaṃ panāvuso , imassa bhāsitassa attho daṭṭhabbo ’’ ti ?

‘‘‘ Channaṃ , āvuso , phassāyatanānaṃ asesavirāganirodhā atthaññaṃ kiñcī ’ ti , iti vadaṃ appapañcaṃ papañceti .

‘ Channaṃ , āvuso , phassāyatanānaṃ asesavirāganirodhā natthaññaṃ kiñcī ’ ti , iti vadaṃ appapañcaṃ papañceti .

‘ Channaṃ , āvuso , phassāyatanānaṃ asesavirāganirodhā atthi ca natthi ca aññaṃ kiñcī ’ ti , iti vadaṃ appapañcaṃ papañceti .

‘ Channaṃ , āvuso , phassāyatanānaṃ asesavirāganirodhā nevatthi no natthaññaṃ kiñcī ’ ti , iti vadaṃ appapañcaṃ papañceti .

Yāvatā , āvuso , channaṃ phassāyatanānaṃ gati tāvatā papañcassa gatiV1.189 .

Yāvatā papañcassa gati tāvatā channaṃ phassāyatanānaṃP2.163 gati .

Channaṃ , āvuso , phassāyatanānaṃ asesavirāganirodhā papañcanirodho papañcavūpasamo ’’ ti .

Catutthaṃ .

5. Upavāṇasuttaṃ

175. AthaM1.482 kho āyasmā upavāṇo yenāyasmā sāriputto tenupasaṅkami ;

upasaṅkamitvā āyasmatā sāriputtena saddhiṃ sammodi .

Sammodanīyaṃ kathaṃ sāraṇīyaṃ vītisāretvā ekamantaṃ nisīdi .

Ekamantaṃ nisinno kho āyasmā upavāṇo āyasmantaṃ sāriputtaṃ etadavoca –

‘‘ Kiṃ nu kho , āvuso sāriputta , vijjāyantakaro hotī ’’ ti ?

‘‘ No hidaṃ , āvuso ’’.

‘‘ Kiṃ panāvuso sāriputta , caraṇenantakaro hotī ’’ ti ?

‘‘ No hidaṃ , āvuso ’’.

‘‘ Kiṃ panāvusoT2.221 sāriputta , vijjācaraṇenantakaro hotī ’’ ti ?

‘‘ No hidaṃ , āvuso ’’.

‘‘ Kiṃ panāvuso sāriputta , aññatra vijjācaraṇenantakaro hotī ’’ ti ?

‘‘ No hidaṃ , āvuso ’’.

‘‘‘ Kiṃ nu kho , āvuso sāriputta , vijjāyantakaro hotī ’ ti , iti puṭṭho samāno –

‘ no hidaṃ , āvuso ’ ti vadesi .

‘ Kiṃ panāvuso sāriputta , caraṇenantakaro hotī ’ ti , iti puṭṭho samāno –

‘ no hidaṃ , āvuso ’ ti vadesi .

‘ Kiṃ panāvuso sāriputta , vijjācaraṇenantakaro hotī ’ ti , iti puṭṭho samāno –

‘ no hidaṃ , āvuso ’ ti vadesi .

‘ Kiṃ panāvuso sāriputta , aññatra vijjācaraṇenantakaro hotī ’ ti , iti puṭṭho samāno –

‘ no hidaṃ , āvuso ’ ti vadesi .

Yathā kathaṃ panāvuso , antakaro hotī ’’ ti ?

‘‘ VijjāyaV1.190 ce , āvuso , antakaro abhavissa , saupādānova samāno antakaro abhavissa .

Caraṇena ce , āvuso , antakaro abhavissa , saupādānova samāno antakaro abhavissa .

Vijjācaraṇena ce , āvuso , antakaro abhavissa , saupādānova samāno antakaro abhavissa .

Aññatra vijjācaraṇena ce , āvuso , antakaro abhavissa , puthujjano antakaro abhavissa .

Puthujjano hi , āvuso , aññatra vijjācaraṇena .

Caraṇavipanno kho , āvuso , yathābhūtaṃ na jānāti na passati .

Caraṇasampanno yathābhūtaṃP2.164 jānāti passati .

Yathābhūtaṃ jānaṃ passaṃ antakaro hotī ’’ ti .

Pañcamaṃ .

6. Āyācanasuttaṃ

176.‘‘ Saddho , bhikkhave , bhikkhu evaṃ sammā āyācamāno āyāceyya –

‘ tādiso homi yādisā sāriputtamoggallānā ’ ti [ a . ni .2.131 idaṃ suttaṃ āgataṃ ].

Esā , bhikkhaveT2.222M1.483 , tulā etaṃ pamāṇaṃ mama sāvakānaṃ bhikkhūnaṃ , yadidaṃ sāriputtamoggallānā .

‘‘ Saddhā , bhikkhave , bhikkhunī evaṃ sammā āyācamānā āyāceyya –

‘ tādisā homi yādisā khemā ca bhikkhunī uppalavaṇṇā cā ’ ti .

Esā , bhikkhave , tulā etaṃ pamāṇaṃ mama sāvikānaṃ bhikkhunīnaṃ , yadidaṃ khemā ca bhikkhunī uppalavaṇṇā ca .

‘‘ Saddho , bhikkhave , upāsako evaṃ sammā āyācamāno āyāceyya –

‘ tādiso homi yādiso citto ca gahapati hatthako ca āḷavako ’ ti .

Esā , bhikkhave , tulā etaṃ pamāṇaṃ mama sāvakānaṃ upāsakānaṃ , yadidaṃ citto ca gahapati hatthako ca āḷavako .

‘‘ Saddhā , bhikkhave , upāsikā evaṃ sammā āyācamānā āyāceyya –

‘ tādisā homi yādisā khujjuttarā ca upāsikā veḷukaṇḍakiyā ca nandamātā ’ ti .

Esā , bhikkhave , tulā etaṃ pamāṇaṃ mama sāvikānaṃ upāsikānaṃ , yadidaṃ khujjuttarā ca upāsikā veḷukaṇḍakiyā ca nandamātā ’’ ti .

Chaṭṭhaṃ .

7. Rāhulasuttaṃ

177. AthaV1.191 kho āyasmā rāhulo yena bhagavā tenupasaṅkami ;

upasaṅkamitvā bhagavantaṃ abhivādetvā ekamantaṃ nisīdi .

Ekamantaṃ nisinnaṃ kho āyasmantaṃ rāhulaṃ bhagavā etadavoca –

‘‘ Yā ca , rāhulaT2.223 , ajjhattikā pathavīdhātu yā ca bāhirā pathavīdhātu , pathavīdhāturevesā .

‘ Taṃ netaṃ mama , nesohamasmi , na meso attā ’ ti , evametaṃ yathābhūtaṃ sammappaññāya daṭṭhabbaṃ .

Evametaṃ yathābhūtaṃ sammappaññāya disvā pathavīdhātuyā nibbindati , pathavīdhātuyā cittaṃ virājeti .

‘‘ Yā ca , rāhula , ajjhattikā āpodhātu yā ca bāhirā āpodhātuP2.165 , āpodhāturevesā .

‘ Taṃ netaṃ mama , nesohamasmi , na meso attā ’ ti , evametaṃ yathābhūtaṃ sammappaññāya daṭṭhabbaṃ .

Evametaṃ yathābhūtaṃ sammappaññāya disvā āpodhātuyā nibbindati , āpodhātuyā cittaṃ virājeti .

‘‘ YāM1.484 ca , rāhula , ajjhattikā tejodhātu yā ca bāhirā tejodhātu , tejodhāturevesā .

‘ Taṃ netaṃ mama , nesohamasmi , na meso attā ’ ti , evametaṃ yathābhūtaṃ sammappaññāya daṭṭhabbaṃ .

Evametaṃ yathābhūtaṃ sammappaññāya disvā tejodhātuyā nibbindati , tejodhātuyā cittaṃ virājeti .

‘‘ Yā ca , rāhula , ajjhattikā vāyodhātu yā ca bāhirā vāyodhātu , vāyodhāturevesā .

‘ Taṃ netaṃ mama , nesohamasmi , na meso attā ’ ti , evametaṃ yathābhūtaṃ sammappaññāya daṭṭhabbaṃ .

Evametaṃ yathābhūtaṃ sammappaññāya disvā vāyodhātuyā nibbindati , vāyodhātuyā cittaṃ virājeti .

‘‘ Yato kho , rāhula , bhikkhu imāsu catūsu dhātūsu nevattānaṃ na attaniyaṃ samanupassati , ayaṃ vuccati , rāhula , bhikkhu acchecchi taṇhaṃ , vivattayi saṃyojanaṃ , sammā mānābhisamayā antamakāsi dukkhassā ’’ ti .

Sattamaṃ .

8. Jambālīsuttaṃ

178.‘‘ CattāromeV1.192 , bhikkhave , puggalā santo saṃvijjamānā lokasmiṃ .

Katame cattāro ?

Idha , bhikkhave , bhikkhu aññataraṃ santaṃ cetovimuttiṃ upasampajja viharati .

So sakkāyanirodhaṃ manasi karoti .

Tassa sakkāyanirodhaṃ manasi karoto sakkāyanirodhe cittaṃ na pakkhandati nappasīdati na santiṭṭhati nādhimuccati .

Tassa kho evaṃ [ tassa ko etaṃ ( sī . syā . kaṃ . pī .), evaṃ kho tassa (?)‘‘ evaṃ hi tassā bhikkhave jambāliyā ’’ ti pāṭho viya ], bhikkhave , bhikkhuno na sakkāyanirodhoT2.224 pāṭikaṅkho .

Seyyathāpi , bhikkhave , puriso lepagatena [ lasagatena ( sī . pī .)] hatthena sākhaṃ gaṇheyya , tassa so hattho sajjeyyapi gaṇheyyapi [ gayheyyapi (?)] bajjheyyapi [ khajjeyyapi ( sī .)];

evamevaṃ kho , bhikkhave , bhikkhu aññataraṃ santaṃ cetovimuttiṃ upasampajja viharati .

So sakkāyanirodhaṃ manasi karoti .

Tassa sakkāyanirodhaṃ manasi karoto sakkāyanirodhe cittaṃ na pakkhandati nappasīdati na santiṭṭhati nādhimuccati .

Tassa kho evaṃ , bhikkhave , bhikkhuno na sakkāyanirodho pāṭikaṅkho .

‘‘ IdhaM1.485 pana , bhikkhave , bhikkhu aññataraṃ santaṃ cetovimuttiṃ upasampajja viharati .

So sakkāyanirodhaṃ manasi karotiP2.166 .

Tassa sakkāyanirodhaṃ manasi karoto sakkāyanirodhe cittaṃ pakkhandati pasīdati santiṭṭhati adhimuccati .

Tassa kho evaṃ , bhikkhave , bhikkhuno sakkāyanirodho pāṭikaṅkho .

Seyyathāpi , bhikkhave , puriso suddhena hatthena sākhaṃ gaṇheyya , tassa so hattho neva sajjeyya na gaṇheyya na bajjheyya ;

evamevaṃ kho , bhikkhave , bhikkhu aññataraṃ santaṃ cetovimuttiṃ upasampajja viharati .

So sakkāyanirodhaṃ manasi karoti .

Tassa sakkāyanirodhaṃ manasi karoto sakkāyanirodhe cittaṃ pakkhandati pasīdati santiṭṭhati adhimuccati .

Tassa kho evaṃ , bhikkhave , bhikkhuno sakkāyanirodho pāṭikaṅkho .

‘‘ Idha pana , bhikkhave , bhikkhu aññataraṃ santaṃ cetovimuttiṃ upasampajja viharati .

So avijjāppabhedaṃ manasi karoti .

Tassa avijjāppabhedaṃ manasi karoto avijjāppabhede cittaṃ na pakkhandati nappasīdati na santiṭṭhati nādhimuccati .

Tassa kho evaṃ , bhikkhave , bhikkhuno na avijjāppabhedo pāṭikaṅkho .

Seyyathāpi , bhikkhave , jambālīT2.225 anekavassagaṇikā .

Tassā puriso yāni ceva āyamukhāni tāni pidaheyya , yāni ca apāyamukhāni tāni vivareyya , devo ca na sammā dhāraṃ anuppaveccheyya .

Evañhi tassā , bhikkhave , jambāliyā na āḷippabhedoV1.193 pāṭikaṅkho .

Evamevaṃ kho , bhikkhave , bhikkhu aññataraṃ santaṃ cetovimuttiṃ upasampajja viharati .

So avijjāppabhedaṃ manasi karoti .

Tassa avijjāppabhedaṃ manasi karoto avijjāppabhede cittaṃ na pakkhandati nappasīdati na santiṭṭhati nādhimuccati .

Tassa kho evaṃ , bhikkhave , bhikkhuno na avijjāppabhedo pāṭikaṅkho .

‘‘ Idha pana , bhikkhave , bhikkhu aññataraṃ santaṃ cetovimuttiṃ upasampajja viharati .

So avijjāppabhedaṃ manasi karoti .

Tassa avijjāppabhedaṃ manasi karoto avijjāppabhede cittaṃ pakkhandati pasīdati santiṭṭhati adhimuccati .

Tassa kho evaṃ , bhikkhave , bhikkhuno avijjāppabhedo pāṭikaṅkho .

Seyyathāpi , bhikkhave , jambālī anekavassagaṇikā .

Tassā puriso yāni ceva āyamukhāni tāni vivareyya , yāni ca apāyamukhāni tāni pidaheyya , devo ca sammā dhāraṃ anuppaveccheyya .

Evañhi tassā , bhikkhave , jambāliyā āḷippabhedo pāṭikaṅkho .

Evamevaṃ kho , bhikkhave , bhikkhu aññataraṃM1.486 santaṃ cetovimuttiṃ upasampajja viharati .

So avijjāppabhedaṃ manasi karoti .

Tassa avijjāppabhedaṃP2.167 manasi karoto avijjāppabhede cittaṃ pakkhandati pasīdati santiṭṭhati adhimuccati .

Tassa kho evaṃ , bhikkhave , bhikkhuno avijjāppabhedo pāṭikaṅkhoT2.226 .

Ime kho , bhikkhave , cattāro puggalā santo saṃvijjamānā lokasmin ’’ ti .

Aṭṭhamaṃ .

9. Nibbānasuttaṃ

179. Atha kho āyasmā ānando yenāyasmā sāriputto tenupasaṅkami ;

upasaṅkamitvā āyasmatā sāriputtena saddhiṃ sammodi .

Sammodanīyaṃ kathaṃ sāraṇīyaṃ vītisāretvā ekamantaṃ nisīdi .

Ekamantaṃ nisinno kho āyasmā ānando āyasmantaṃ sāriputtaṃ etadavoca –

‘‘ ko nu kho , āvuso sāriputta , hetu ko paccayo , yena midhekacce sattā diṭṭheva dhamme na parinibbāyantī ’’ ti ?

‘‘ Idhāvuso ānanda , sattā imā hānabhāgiyā saññāti yathābhūtaṃ nappajānanti , imā ṭhitibhāgiyā saññāti yathābhūtaṃ nappajānanti , imā visesabhāgiyā saññāti yathābhūtaṃ nappajānanti ,V1.194 imā nibbedhabhāgiyā saññāti yathābhūtaṃ nappajānanti .

Ayaṃ kho , āvuso ānanda , hetu ayaṃ paccayo , yena midhekacce sattā diṭṭheva dhamme na parinibbāyantī ’’ ti .

‘‘ Ko panāvuso sāriputta , hetu ko paccayo , yena midhekacce sattā diṭṭheva dhamme parinibbāyantī ’’ ti ?

‘‘ Idhāvuso ānanda , sattā imā hānabhāgiyā saññāti yathābhūtaṃ pajānanti , imā ṭhitibhāgiyā saññāti yathābhūtaṃ pajānanti , imā visesabhāgiyā saññāti yathābhūtaṃ pajānanti , imā nibbedhabhāgiyā saññāti yathābhūtaṃ pajānanti .

Ayaṃ kho , āvuso ānanda , hetu ayaṃ paccayo , yena midhekacce sattā diṭṭheva dhamme parinibbāyantī ’’ ti .

Navamaṃ .

10. Mahāpadesasuttaṃ

180. EkaṃT2.227 samayaṃ bhagavā bhoganagare viharati ānandacetiye [ ānande cetiye ( dī . ni .2.186) mahāva .303 pana aññathā āgataṃ ].

Tatra kho bhagavā bhikkhū āmantesi –

‘‘ bhikkhavo ’’ ti .

‘‘ Bhadante ’’ ti te bhikkhūM1.487 bhagavato paccassosuṃ .

Bhagavā etadavoca –

‘‘ cattārome , bhikkhave , mahāpadese desessāmi , taṃ suṇāthaP2.168 , sādhukaṃ manasi karotha ;

bhāsissāmī ’’ ti .

‘‘ Evaṃ , bhante ’’ ti kho te bhikkhū bhagavato paccassosuṃ .

Bhagavā etadavoca –

‘‘ Katame , bhikkhave , cattāro mahāpadesā ?

Idha , bhikkhave , bhikkhu evaṃ vadeyya –

‘ sammukhā metaṃ , āvuso , bhagavato sutaṃ sammukhā paṭiggahitaṃ – ayaṃ dhammo , ayaṃ vinayo , idaṃ satthusāsanan ’ ti .

Tassa , bhikkhave , bhikkhuno bhāsitaṃ neva abhinanditabbaṃ nappaṭikkositabbaṃ .

Anabhinanditvā appaṭikkositvā tāni padabyañjanāni sādhukaṃ uggahetvā sutte otāretabbāni [ osāretabbāni ], vinaye sandassetabbāni .

Tāni ce sutte otāriyamānāni [ osāriyamānāni ] vinaye sandassiyamānāni na ceva sutte otaranti [ osaranti ( dī . ni .2.188)] na vinaye sandissanti , niṭṭhamettha gantabbaṃ –

‘ addhā , idaṃ na ceva tassa bhagavato vacanaṃ arahato sammāsambuddhassa ;

imassa ca bhikkhuno duggahitan ’ ti .

Iti hetaṃ [ iti hidaṃ ( sī . syā . kaṃ . ka .)], bhikkhave , chaḍḍeyyātha .

[ ettako pāṭho dīghanikāye na dissati , peyyālamukhena dassito bhaveyya ]‘‘ Idha pana , bhikkhave , bhikkhu evaṃ vadeyya –

‘ sammukhā metaṃ , āvuso , bhagavato sutaṃ sammukhā paṭiggahitaṃ – ayaṃ dhammo , ayaṃ vinayo , idaṃ satthusāsanan ’ ti .

Tassa , bhikkhave , bhikkhunoV1.195 bhāsitaṃ neva abhinanditabbaṃ nappaṭikkositabbaṃ .

Anabhinanditvā appaṭikkositvā tāni padabyañjanāni sādhukaṃ uggahetvā sutte otāretabbāni , vinaye sandassetabbāni [ ettako pāṭho dīghanikāye na dissati , peyyālamukhena dassito bhaveyya ].

Tāni ce sutte otāriyamānāni vinayeT2.228 sandassiyamānāni sutte ceva otaranti vinaye ca sandissanti , niṭṭhamettha gantabbaṃ –

‘ addhā , idaṃ tassa bhagavato vacanaṃ arahato sammāsambuddhassa ;

imassa ca bhikkhuno suggahitan ’ ti .

Idaṃ , bhikkhave , paṭhamaṃ mahāpadesaṃ dhāreyyātha .

‘‘ Idha pana , bhikkhave , bhikkhu evaṃ vadeyya –

‘ asukasmiṃ nāma āvāse saṅgho viharati sathero sapāmokkho .

Tassa me saṅghassa sammukhā sutaṃ sammukhā paṭiggahitaṃ – ayaṃ dhammo , ayaṃ vinayo , idaṃ satthusāsanan ’ ti .

Tassa , bhikkhave , bhikkhuno bhāsitaṃ neva abhinanditabbaṃ nappaṭikkositabbaṃ .

AnabhinanditvāM1.488 appaṭikkositvā tāni padabyañjanāni sādhukaṃ uggahetvā sutte otāretabbāni , vinaye sandassetabbāni .

Tāni ce sutte otāriyamānāni vinaye sandassiyamānāni na ceva sutte otaranti na vinaye sandissanti , niṭṭhamettha gantabbaṃ –

‘ addhā , idaṃ na ceva tassa bhagavato vacanaṃ arahato sammāsambuddhassaP2.169 ;

tassa ca saṅghassa duggahitan ’ ti .

Iti hetaṃ , bhikkhave , chaḍḍeyyātha .

‘‘ Idha pana , bhikkhave , bhikkhu evaṃ vadeyya –

‘ asukasmiṃ nāma āvāse saṅgho viharati sathero sapāmokkho .

Tassa me saṅghassa sammukhā sutaṃ sammukhā paṭiggahitaṃ – ayaṃ dhammo , ayaṃ vinayo , idaṃ satthusāsanan ’ ti .

Tassa , bhikkhave , bhikkhuno bhāsitaṃ neva abhinanditabbaṃ nappaṭikkositabbaṃ .

Anabhinanditvā appaṭikkositvā tāni padabyañjanāni sādhukaṃ uggahetvā sutte otāretabbāni , vinaye sandassetabbāni .

Tāni ce sutte otāriyamānāni , vinaye sandassiyamānāni sutte ceva otaranti vinaye caT2.229 sandissanti , niṭṭhamettha gantabbaṃ –

‘ addhā , idaṃ tassa bhagavato vacanaṃ arahato sammāsambuddhassa ;

tassa ca saṅghassa suggahitan ’ ti .

Idaṃ , bhikkhave , dutiyaṃ mahāpadesaṃ dhāreyyātha .

‘‘ Idha pana , bhikkhave , bhikkhu evaṃ vadeyya –

‘ asukasmiṃ nāma āvāse sambahulā therā bhikkhū viharanti bahussutā āgatāgamā dhammadharā vinayadharā mātikādharā .

Tesaṃ me therānaṃ sammukhā sutaṃ sammukhā paṭiggahitaṃ – ayaṃ dhammo , ayaṃ vinayo , idaṃ satthusāsanan ’ ti .

Tassa , bhikkhaveV1.196 , bhikkhuno bhāsitaṃ neva abhinanditabbaṃ nappaṭikkositabbaṃ .

Anabhinanditvā appaṭikkositvā tāni padabyañjanāni sādhukaṃ uggahetvā sutte otāretabbāni , vinaye sandassetabbāni .

Tāni ce sutte otāriyamānāni vinaye sandassiyamānāni na ceva sutte otaranti na vinaye sandissanti , niṭṭhamettha gantabbaṃ –

‘ addhā , idaṃ na ceva tassa bhagavato vacanaṃ arahato sammāsambuddhassa ;

tesañca therānaṃ duggahitan ’ ti .

Iti hetaṃ , bhikkhave , chaḍḍeyyātha .

‘‘ Idha pana , bhikkhave , bhikkhu evaṃ vadeyya –

‘ asukasmiṃ nāma āvāse sambahulā therā bhikkhū viharanti bahussutā āgatāgamā dhammadharā vinayadharā mātikādharā .

Tesaṃ me therānaṃ sammukhā sutaṃ sammukhā paṭiggahitaṃ – ayaṃ dhammo , ayaṃ vinayo , idaṃ satthusāsanan ’ ti .

Tassa , bhikkhaveM1.489 , bhikkhuno bhāsitaṃ neva abhinanditabbaṃ nappaṭikkositabbaṃ .

Anabhinanditvā appaṭikkositvā tāni padabyañjanāni sādhukaṃ uggahetvā sutte otāretabbāni , vinaye sandassetabbāni .

Tāni ce sutte otāriyamānāni vinayeT2.230 sandassiyamānāni sutte ceva otaranti vinaye ca sandissanti , niṭṭhamettha gantabbaṃ –

‘ addhā , idaṃ tassa bhagavato vacanaṃ arahato sammāsambuddhassa ;

tesañca therānaṃ suggahitan ’ ti .

Idaṃ , bhikkhave , tatiyaṃ mahāpadesaṃ dhāreyyātha .

‘‘ Idha pana , bhikkhave , bhikkhu evaṃ vadeyya –

‘ asukasmiṃ nāma āvāse eko thero bhikkhu viharati bahussutoP2.170 āgatāgamo dhammadharo vinayadharo mātikādharo .

Tassa me therassa sammukhā sutaṃ sammukhā paṭiggahitaṃ – ayaṃ dhammo , ayaṃ vinayo , idaṃ satthusāsanan ’ ti .

Tassa , bhikkhave , bhikkhuno bhāsitaṃ neva abhinanditabbaṃ nappaṭikkositabbaṃ .

Anabhinanditvā appaṭikkositvā tāni padabyañjanāni sādhukaṃ uggahetvā sutte otāretabbāni , vinaye sandassetabbāni .

Tāni ce sutte otāriyamānāni vinaye sandassiyamānāni na ceva sutte otaranti na vinaye sandissanti , niṭṭhamettha gantabbaṃ –

‘ addhā , idaṃ na ceva tassa bhagavato vacanaṃ arahato sammāsambuddhassa ;

tassa ca therassa duggahitan ’ ti .

Iti hetaṃ , bhikkhave , chaḍḍeyyātha .

‘‘ Idha pana , bhikkhave , bhikkhu evaṃ vadeyya –

‘ asukasmiṃ nāma āvāse eko thero bhikkhuV1.197 viharati bahussuto āgatāgamo dhammadharo vinayadharo mātikādharo .

Tassa me therassa sammukhā sutaṃ sammukhā paṭiggahitaṃ – ayaṃ dhammo , ayaṃ vinayo , idaṃ satthusāsanan ’ ti .

Tassa , bhikkhave , bhikkhuno bhāsitaṃ neva abhinanditabbaṃ nappaṭikkositabbaṃ .

Anabhinanditvā appaṭikkositvā tāni padabyañjanāni sādhukaṃ uggahetvā sutte otāretabbāni , vinaye sandassetabbāni .

Tāni ce sutte otāriyamānāni vinaye sandassiyamānāni sutte ceva otaranti vinayeT2.231 ca sandissanti , niṭṭhamettha gantabbaṃ –

‘ addhā , idaṃ tassa bhagavato vacanaṃ arahato sammāsambuddhassa ;

tassa ca therassa suggahitan ’ ti .

Idaṃ , bhikkhave , catutthaṃ mahāpadesaṃ dhāreyyātha .

Ime kho , bhikkhave , cattāro mahāpadesā ’’ ti .

Dasamaṃ .

Sañcetaniyavaggo tatiyo .

Tassuddānaṃ –

CetanāM1.490 vibhatti koṭṭhiko , ānando upavāṇapañcamaṃ ;

Āyācana-rāhula-jambālī , nibbānaṃ mahāpadesenāti .

Issues

Select Version

Catukkanipātapāḷi

Catukkanipātapāḷi