Issues
Editor
Settings
Versions
Select Version
Bhikkhu Bodhi
English
sāsanāre-သာသနာရေး
မြန်မာဘာသာ
Catukkanipātapāḷi
Catukkanipātapāḷi

6. Rāgavinayasuttaṃ

Author： _System_Pali_VRI_ @ Administrator

6. Rāgavinayasuttaṃ

96.‘‘ CattāromeV1.111 , bhikkhave , puggalā santo saṃvijjamānā lokasmiṃ .
Katame cattāro ?
Attahitāya paṭipanno no parahitāya , parahitāya paṭipanno no attahitāya , nevattahitāya paṭipanno no parahitāya , attahitāya ceva paṭipanno parahitāya ca .
‘‘ Kathañca , bhikkhave , puggalo attahitāya paṭipanno hoti no parahitāya ?
Idha , bhikkhave , ekacco puggaloT2.126 attanā rāgavinayāya paṭipanno hoti , no paraṃ rāgavinayāya samādapeti ;
attanā dosavinayāya paṭipanno hoti , no paraṃ dosavinayāya samādapeti ;
attanāM1.409 mohavinayāya paṭipanno hoti , no paraṃ mohavinayāya samādapeti .
Evaṃ kho , bhikkhave , puggalo attahitāya paṭipanno hoti , no parahitāya .
‘‘ Kathañca , bhikkhave , puggalo parahitāya paṭipanno hoti , no attahitāya ?
Idha , bhikkhave , ekacco puggalo attanā na rāgavinayāya paṭipanno hoti , paraṃ rāgavinayāya samādapeti ;
attanā na dosavinayāya paṭipanno hoti , paraṃ dosavinayāya samādapeti ;
attanā na mohavinayāya paṭipanno hoti , paraṃ mohavinayāya samādapeti .
Evaṃ kho , bhikkhave , puggalo parahitāya paṭipanno hoti , no attahitāya .
‘‘ Kathañca , bhikkhave , puggalo nevattahitāya paṭipanno hoti , no parahitāya ?
Idha , bhikkhave , ekacco puggalo attanā na rāgavinayāya paṭipanno hoti , no paraṃ rāgavinayāya samādapeti ;
attanā na dosavinayāya paṭipanno hoti , no paraṃ dosavinayāya samādapeti ;
attanā na mohavinayāya paṭipanno hoti , no paraṃ mohavinayāya samādapeti .
Evaṃ kho , bhikkhave , puggalo nevattahitāya paṭipanno hoti , no parahitāya .
‘‘ Kathañca , bhikkhave , puggalo attahitāya ceva paṭipanno hoti parahitāya ca ?
Idha , bhikkhave , ekacco puggalo attanā ca rāgavinayāya paṭipanno hoti , parañca rāgavinayāya samādapeti ;
attanā ca dosavinayāya paṭipanno hoti , parañca dosavinayāya samādapeti ;
attanā caT2.127 mohavinayāya paṭipanno hoti , parañca mohavinayāyaP2.97 samādapeti .
Evaṃ kho , bhikkhaveV1.112 , puggalo attahitāya ceva paṭipanno hoti parahitāya ca .
Ime kho , bhikkhave , cattāro puggalā santo saṃvijjamānā lokasmin ’’ ti .
Chaṭṭhaṃ .