10. Khandhasuttaṃ

Author： _System_Pali_VRI_ @ Administrator

10. Khandhasuttaṃ

90.‘‘ Cattārome , bhikkhave , puggalā santo saṃvijjamānā lokasmiṃ .

Katame cattāro ?

Samaṇamacalo , samaṇapuṇḍarīko , samaṇapadumo , samaṇesu samaṇasukhumālo .

‘‘ Kathañca , bhikkhave , puggalo samaṇamacalo hoti ?

Idha , bhikkhave , bhikkhu sekho hoti appattamānaso , anuttaraṃ yogakkhemaṃ patthayamāno viharati .

Evaṃ kho , bhikkhave , puggalo samaṇamacalo hoti .

‘‘ KathañcaM1.403 , bhikkhave , puggalo samaṇapuṇḍarīko hoti ?

Idha , bhikkhave , bhikkhu pañcasu upādānakkhandhesu udayabbayānupassī viharati –

‘ iti rūpaṃ , iti rūpassa samudayo , iti rūpassa atthaṅgamo ;

iti vedanā … pe … iti saññā … pe … iti saṅkhārā … pe … iti viññāṇaṃ , iti viññāṇassa samudayo , iti viññāṇassa atthaṅgamo ’ tiV1.105 ;

no ca kho aṭṭha vimokkhe kāyena phusitvā viharati .

Evaṃ kho , bhikkhave , puggalo samaṇapuṇḍarīko hoti .

‘‘ Kathañca , bhikkhave , puggalo samaṇapadumo hoti ?

Idha , bhikkhave , bhikkhu pañcasu upādānakkhandhesu udayabbayānupassī viharati –

‘ iti rūpaṃ , iti rūpassa samudayo , iti rūpassa atthaṅgamo ;

iti vedanā … pe … iti saññā … pe … iti saṅkhārā … pe … iti viññāṇaṃ , iti viññāṇassa samudayo , iti viññāṇassa atthaṅgamo ’ tiP2.91 ;

aṭṭha ca vimokkhe kāyena phusitvā viharatiT2.119 .

Evaṃ kho , bhikkhave , puggalo samaṇapadumo hoti .

‘‘ Kathañca , bhikkhave , puggalo samaṇesu samaṇasukhumālo hoti ?

Idha , bhikkhave , bhikkhu yācitova bahulaṃ cīvaraṃ paribhuñjati , appaṃ ayācito … pe … mameva taṃ , bhikkhave , sammā vadamāno vadeyya samaṇesu samaṇasukhumāloti .

Ime kho , bhikkhave , cattāro puggalā santo saṃvijjamānā lokasmin ’’ ti .

Dasamaṃ .

Macalavaggo catuttho .

Tassuddānaṃ –

Pāṇātipāto ca musā , avaṇṇakodhatamoṇatā ;

Putto saṃyojanañceva , diṭṭhi khandhena te dasāti .

Issues

Select Version

Catukkanipātapāḷi

Catukkanipātapāḷi