1. Paṭhamauruvelasuttaṃ
21. Evaṃ
V1.24P2.20 me sutaṃ [ saṃ . ni .1.173 āgataṃ ]– ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme .Tatra kho bhagavā bhikkhū āmantesi –
‘‘ bhikkhavo ’’ ti .
‘‘ Bhadante ’’ ti te bhikkhū bhagavato paccassosuṃ .
Bhagavā etadavoca –
‘‘ Ekamidāhaṃ
M1.328 , bhikkhave , samayaṃ uruvelāyaṃ viharāmi najjā nerañjarāya tīre ajapālanigrodhe paṭhamābhisambuddho .Tassa mayhaṃ , bhikkhave , rahogatassa paṭisallīnassa evaṃ cetaso parivitakko udapādi –
‘ dukkhaṃ kho agāravo viharati appatisso .
Kiṃ nu kho ahaṃ samaṇaṃ vā brāhmaṇaṃ vā sakkatvā garuṃ
T2.26 katvā [ garukatvā ( sī . pī .)] upanissāya vihareyyan ’’’ ti ?‘‘ Tassa mayhaṃ , bhikkhave , etadahosi – aparipūrassa kho ahaṃ sīlakkhandhassa pāripūriyā aññaṃ samaṇaṃ vā brāhmaṇaṃ vā sakkatvā garuṃ katvā upanissāya vihareyyaṃ .
Na kho panāhaṃ passāmi sadevake loke samārake sabrahmake sassamaṇabrāhmaṇiyā pajāya sadevamanussāya aññaṃ samaṇaṃ vā brāhmaṇaṃ vā attanā sīlasampannataraṃ , yamahaṃ sakkatvā garuṃ katvā upanissāya vihareyyaṃ .
‘‘ Aparipūrassa kho ahaṃ samādhikkhandhassa pāripūriyā aññaṃ samaṇaṃ vā brāhmaṇaṃ vā sakkatvā garuṃ katvā upanissāya vihareyyaṃ .
Na kho panāhaṃ passāmi sadevake loke samārake sabrahmake sassamaṇabrāhmaṇiyā pajāya sadevamanussāya aññaṃ samaṇaṃ vā brāhmaṇaṃ vā attanā samādhisampannataraṃ , yamahaṃ sakkatvā garuṃ katvā upanissāya vihareyyaṃ .
‘‘ Aparipūrassa kho ahaṃ paññākkhandhassa pāripūriyā aññaṃ samaṇaṃ vā brāhmaṇaṃ vā sakkatvā garuṃ katvā upanissāya vihareyyaṃ .
Na kho panāhaṃ passāmi sadevake loke samārake
V1.25 sabrahmake sassamaṇabrāhmaṇiyā pajāya sadevamanussāya aññaṃ samaṇaṃ vā brāhmaṇaṃ vā attanā paññāsampannataraṃ , yamahaṃ sakkatvā garuṃ katvā upanissāya vihareyyaṃ .‘‘ Aparipūrassa kho ahaṃ vimuttikkhandhassa pāripūriyā aññaṃ samaṇaṃ vā brāhmaṇaṃ vā sakkatvā garuṃ katvā upanissāya vihareyyaṃ .
Na kho panāhaṃ passāmi sadevake loke samārake sabrahmake sassamaṇabrāhmaṇiyā pajāya sadevamanussāya aññaṃ samaṇaṃ vā brāhmaṇaṃ vā attanā vimuttisampannataraṃ , yamahaṃ sakkatvā garuṃ katvā upanissāya vihareyyan ’’ ti .
‘‘ Tassa
M1.329 mayhaṃ , bhikkhave , etadahosi –‘ yaṃnūnāhaṃ yvāyaṃ [ yopāyaṃ ( sī . syā . kaṃ . pī .)] dhammo mayā abhisambuddho tameva dhammaṃ sakkatvā garuṃ katvā upanissāya vihareyyan ’’’ ti .
‘‘ Atha kho , bhikkhave , brahmā sahampati mama cetasā cetoparivitakkamaññāya
P2.21 – seyyathāpi nāma balavā puriso samiñjitaṃ [ sammiñjitaṃ ( sī . syā . kaṃ . pī .)] vā bāhaṃ pasāreyya , pasāritaṃ vā bāhaṃ samiñjeyya , evamevaṃ – brahmaloke antarahito mama purato pāturahosi .Atha kho , bhikkhave , brahmā sahampati ekaṃsaṃ uttarāsaṅgaṃ karitvā dakkhiṇaṃ jāṇumaṇḍalaṃ pathaviyaṃ nihantvā yenāhaṃ tenañjaliṃ paṇāmetvā
T2.27 maṃ etadavoca –‘ evametaṃ bhagavā , evametaṃ sugata !
Yepi te , bhante , ahesuṃ atītamaddhānaṃ arahanto sammāsambuddhā tepi bhagavanto dhammaṃyeva sakkatvā garuṃ katvā upanissāya vihariṃsu ;
yepi te , bhante , bhavissanti anāgatamaddhānaṃ arahanto sammāsambuddhā tepi bhagavanto dhammaṃyeva sakkatvā garuṃ katvā upanissāya viharissanti ;
bhagavāpi , bhante , etarahi arahaṃ sammāsambuddho dhammaṃyeva sakkatvā garuṃ katvā upanissāya viharatū ’’’ ti .
Idamavoca brahmā sahampati .
Idaṃ vatvā athāparaṃ etadavoca –
‘‘ Ye ca atītā [ ye cabbhatītā ( sī . pī . ka .)] sambuddhā , ye ca buddhā anāgatā ;
Yo cetarahi sambuddho , bahūnaṃ [ bahunnaṃ ( sī . syā . kaṃ . pī .) saṃ . ni .1.173] sokanāsano .
‘‘ Sabbe saddhammagaruno , vihaṃsu [ vihariṃsu ( syā . kaṃ .)] viharanti ca ;
Athopi viharissanti , esā buddhāna dhammatā .
‘‘ Tasmā
V1.26 hi attakāmena [ atthakāmena ( sī . ka .)], mahattamabhikaṅkhatā ;Saddhammo garukātabbo , saraṃ buddhāna sāsanan ’’ ti .
‘‘ Idamavoca , bhikkhave , brahmā sahampati .
Idaṃ vatvā maṃ abhivādetvā padakkhiṇaṃ katvā tatthevantaradhāyi .
Atha khvāhaṃ , bhikkhave , brahmuno ca ajjhesanaṃ viditvā attano ca patirūpaṃ yvāyaṃ [ yopāyaṃ ( sabbattha )] dhammo mayā abhisambuddho tameva dhammaṃ sakkatvā garuṃ katvā upanissāya vihāsiṃ .
Yato
M1.330 ca kho , bhikkhave , saṅghopi mahattena samannāgato , atha meT2.28 saṅghepi gāravo ’’ ti .Paṭhamaṃ .