5. Paṭhamamettāsuttaṃ
125.‘‘ Cattārome , bhikkhave , puggalā santo saṃvijjamānā lokasmiṃ .
Katame cattāro ?
Idha , bhikkhave , ekacco puggalo mettāsahagatena cetasā ekaṃ
P2.129 disaṃ pharitvā viharati , tathā dutiyaṃ tathā tatiyaṃ tathā catutthaṃ .Iti uddhamadho tiriyaṃ sabbadhi sabbattatāya sabbāvantaṃ lokaṃ
M1.444 mettāsahagatena cetasā vipulena mahaggatena appamāṇena averena abyāpajjena pharitvā viharati .So tadassādeti , taṃ nikāmeti , tena ca vittiṃ āpajjati .
Tattha ṭhito tadadhimutto tabbahulavihārī aparihīno kālaṃ kurumāno brahmakāyikānaṃ devānaṃ sahabyataṃ upapajjati .
Brahmakāyikānaṃ , bhikkhave , devānaṃ kappo āyuppamāṇaṃ .
Tattha puthujjano yāvatāyukaṃ ṭhatvā yāvatakaṃ tesaṃ devānaṃ āyuppamāṇaṃ taṃ sabbaṃ khepetvā nirayampi gacchati tiracchānayonimpi gacchati pettivisayampi gacchati .
Bhagavato pana sāvako tattha yāvatāyukaṃ ṭhatvā yāvatakaṃ tesaṃ devānaṃ āyuppamāṇaṃ taṃ sabbaṃ khepetvā tasmiṃyeva bhave parinibbāyati .
Ayaṃ kho
T2.173 , bhikkhave , viseso ayaṃ adhippayāso idaṃ nānākaraṇaṃ sutavato ariyasāvakassa assutavatā puthujjanena , yadidaṃ gatiyā upapattiyā sati .‘‘ Puna caparaṃ , bhikkhave , idhekacco puggalo karuṇāsahagatena cetasā … pe … muditāsahagatena cetasā … pe …
T2.174 upekkhāsahagatena cetasā ekaṃ disaṃ pharitvā viharati , tathā dutiyaṃ tathā tatiyaṃ tathā catutthaṃ .Iti uddhamadho tiriyaṃ sabbadhi sabbattatāya sabbāvantaṃ lokaṃ upekkhāsahagatena cetasā vipulena mahaggatena appamāṇena averena abyāpajjena pharitvā viharati .
So tadassādeti , taṃ nikāmeti , tena ca vittiṃ āpajjati .
Tattha ṭhito tadadhimutto tabbahulavihārī aparihīno kālaṃ kurumāno ābhassarānaṃ [ syāmapotthake pana karuṇādayo tayo vihārā ābhassarādīhi tīhi visuṃ visuṃ yojetvā paripuṇṇameva dassitaṃ ] devānaṃ sahabyataṃ upapajjati .
Ābhassarānaṃ , bhikkhave , devānaṃ dve kappā āyuppamāṇaṃ … pe … subhakiṇhānaṃ [ syāmapotthake pana karuṇādayo tayo vihārā ābhassarādīhi tīhi visuṃ visuṃ yojetvā paripuṇṇameva dassitaṃ ] devānaṃ sahabyataṃ upapajjati .
Subhakiṇhānaṃ , bhikkhave , devānaṃ cattāro kappā āyuppamāṇaṃ … pe … vehapphalānaṃ devānaṃ sahabyataṃ upapajjati .
Vehapphalānaṃ , bhikkhave , devānaṃ
V1.147 pañca kappasatāni āyuppamāṇaṃ .Tattha puthujjano yāvatāyukaṃ ṭhatvā yāvatakaṃ tesaṃ devānaṃ āyuppamāṇaṃ taṃ sabbaṃ khepetvā nirayampi gacchati tiracchānayonimpi gacchati pettivisayampi gacchati .
Bhagavato pana sāvako tattha yāvatāyukaṃ ṭhatvā
T2.175 yāvatakaṃ tesaṃ devānaṃ āyuppamāṇaṃ taṃ sabbaṃ khepetvā tasmiṃyeva bhave parinibbāyati .Ayaṃ kho , bhikkhave , viseso
M1.445 ayaṃ adhippayāso idaṃ nānākaraṇaṃ sutavato ariyasāvakassa assutavatā puthujjanena , yadidaṃ gatiyā upapattiyā sati .Ime kho , bhikkhave , cattāro puggalā santo saṃvijjamānā lokasmin ’’ ti .
Pañcamaṃ .