5. Brahmacariyasuttaṃ
25.‘‘ Nayidaṃ
V1.31 , bhikkhave , brahmacariyaṃ vussati janakuhanatthaṃ , na janalapanatthaṃ , na lābhasakkārasilokānisaṃsatthaṃ , na itivādappamokkhānisaṃsatthaṃ , na ‘ iti maṃ jano jānātū ’ ti .Atha kho idaṃ , bhikkhave , brahmacariyaṃ vussati saṃvaratthaṃ pahānatthaṃ virāgatthaṃ nirodhatthan ’’ ti .
‘‘ Saṃvaratthaṃ pahānatthaṃ , brahmacariyaṃ anītihaṃ ;
Adesayi so bhagavā , nibbānogadhagāminaṃ ;
Esa maggo mahantehi [ mahattebhi ( ka .) itivu .35], anuyāto mahesibhi .
‘‘ Ye ca taṃ paṭipajjanti , yathā buddhena desitaṃ ;
Dukkhassantaṃ karissanti , satthusāsanakārino ’’ ti .
pañcamaṃ ;