1. Pāṇātipātasuttaṃ
81.‘‘ Catūhi
V1.97 , bhikkhave , dhammehi samannāgato yathābhataṃ nikkhitto evaṃ niraye .Katamehi catūhi ?
Pāṇātipātī hoti , adinnādāyī hoti
T2.108 , kāmesumicchācārī hoti , musāvādī hoti – imehi kho , bhikkhave , catūhi dhammehi samannāgato yathābhataṃ nikkhitto evaṃ niraye .‘‘ Catūhi , bhikkhave , dhammehi samannāgato yathābhataṃ nikkhitto evaṃ sagge .
Katamehi catūhi ?
Pāṇātipātā paṭivirato hoti , adinnādānā paṭivirato hoti , kāmesumicchācārā paṭivirato hoti , musāvādā paṭivirato hoti – imehi kho , bhikkhave , catūhi dhammehi samannāgato yathābhataṃ nikkhitto evaṃ sagge ’’ ti .
Paṭhamaṃ .