7. Mahāmoggallānasuttaṃ
167. Atha kho āyasmā sāriputto yenāyasmā mahāmoggallāno tenupasaṅkami ;
upasaṅkamitvā āyasmatā mahāmoggallānena saddhiṃ sammodi .
Sammodanīyaṃ kathaṃ sāraṇīyaṃ vītisāretvā ekamantaṃ nisīdi
T2.208 .Ekamantaṃ nisinno kho āyasmā sāriputto āyasmantaṃ mahāmoggallānaṃ etadavoca –
‘‘ Catasso imā , āvuso moggallāna , paṭipadā .
Katamā catasso ?
Dukkhā paṭipadā dandhābhiññā , dukkhā paṭipadā khippābhiññā , sukhā paṭipadā dandhābhiññā , sukhā paṭipadā khippābhiññā .
Imā kho , āvuso , catasso paṭipadā
M1.473 .Imāsaṃ , āvuso , catunnaṃ paṭipadānaṃ [ catassannaṃ paṭipadānaṃ ( sī . syā . kaṃ .)] katamaṃ te paṭipadaṃ āgamma anupādāya āsavehi cittaṃ vimuttan ’’ ti ?
‘‘ Catasso
P2.155 imā , āvuso sāriputta , paṭipadā .Katamā catasso ?
Dukkhā paṭipadā dandhābhiññā , dukkhā paṭipadā khippābhiññā , sukhā paṭipadā dandhābhiññā , sukhā paṭipadā khippābhiññā .
Imā kho , āvuso , catasso paṭipadā
M1.473 .Imāsaṃ , āvuso , catunnaṃ paṭipadānaṃ yāyaṃ paṭipadā dukkhā khippābhiññā , imaṃ me paṭipadaṃ āgamma anupādāya āsavehi cittaṃ vimuttan ’’ ti .
Sattamaṃ .