8. Vesārajjasuttaṃ
8.‘‘ Cattārimāni
M1.315 , bhikkhave , tathāgatassa vesārajjāni , yehi vesārajjehi samannāgato tathāgato āsabhaṃ ṭhānaṃ paṭijānātiP2.9 , parisāsu sīhanādaṃ nadati , brahmacakkaṃ pavatteti .Katamāni
V1.10 cattāri ?‘ Sammāsambuddhassa te paṭijānato ime dhammā anabhisambuddhā ’ ti tatra vata maṃ samaṇo vā brāhmaṇo vā devo vā māro vā brahmā vā koci vā lokasmiṃ sahadhammena paṭicodessatīti nimittametaṃ , bhikkhave , na samanupassāmi
T2.11 .Etamahaṃ [ etampahaṃ ( sī . syā . kaṃ . pī .)], bhikkhave , nimittaṃ asamanupassanto khemappatto abhayappatto vesārajjappatto viharāmi .
‘‘‘ Khīṇāsavassa te paṭijānato ime āsavā aparikkhīṇā ’ ti tatra vata maṃ samaṇo vā brāhmaṇo vā devo vā māro vā brahmā vā koci vā lokasmiṃ sahadhammena paṭicodessatīti nimittametaṃ , bhikkhave , na samanupassāmi .
Etamahaṃ , bhikkhave , nimittaṃ asamanupassanto khemappatto abhayappatto vesārajjappatto viharāmi .
‘‘‘ Ye kho pana te antarāyikā dhammā vuttā te paṭisevato nālaṃ antarāyāyā ’ ti tatra vata maṃ samaṇo vā brāhmaṇo vā devo vā māro vā brahmā vā koci vā lokasmiṃ sahadhammena paṭicodessatīti nimittametaṃ , bhikkhave , na samanupassāmi .
Etamahaṃ , bhikkhave , nimittaṃ asamanupassanto khemappatto abhayappatto vesārajjappatto viharāmi .
‘‘‘ Yassa kho pana te atthāya dhammo desito so na niyyāti takkarassa sammā dukkhakkhayāyā ’ ti tatra vata maṃ samaṇo vā brāhmaṇo vā devo vā māro vā brahmā vā koci vā lokasmiṃ sahadhammena paṭicodessatīti nimittametaṃ , bhikkhave , na samanupassāmi .
Etamahaṃ , bhikkhave , nimittaṃ asamanupassanto khemappatto abhayappatto vesārajjappatto viharāmi .
Imāni kho , bhikkhave , cattāri tathāgatassa vesārajjāni , yehi vesārajjehi samannāgato tathāgato āsabhaṃ ṭhānaṃ paṭijānāti , parisāsu sīhanādaṃ nadati , brahmacakkaṃ pavattetī ’’ ti .
‘‘ Ye
M1.316 kecime vādapathā puthussitā ,Yaṃ
T2.12 nissitā samaṇabrāhmaṇā ca ;Tathāgataṃ patvā na te bhavanti ,
Visāradaṃ vādapathātivattaṃ [ vādapathābhivattinaṃ ( sī .), vādapathāti vuttaṃ ( pī . ka .)].
‘‘ Yo dhammacakkaṃ abhibhuyya kevalī [ kevalaṃ ( syā .), kevalo ( ka .)],
Pavattayī sabbabhūtānukampī ;
Taṃ
V1.11 tādisaṃ devamanussaseṭṭhaṃ ,Sattā namassanti bhavassa pāragun ’’ ti .
aṭṭhamaṃ ;