6. Kuhasuttaṃ
26.[ itivu .108 itivuttakepi ]‘‘ Ye
M1.335 te , bhikkhave , bhikkhū kuhā thaddhā lapā siṅgī unnaḷā asamāhitā , na me te , bhikkhave , bhikkhū māmakā .Apagatā ca te , bhikkhave
T2.34 , bhikkhū imasmā dhammavinayā , na ca te imasmiṃ dhammavinaye vuddhiṃ viruḷhiṃ vepullaṃ āpajjanti .Ye ca kho te , bhikkhave , bhikkhū nikkuhā nillapā dhīrā atthaddhā susamāhitā , te kho me , bhikkhave , bhikkhū māmakā .
Anapagatā ca te , bhikkhave , bhikkhū imasmā dhammavinayā .
Te ca imasmiṃ dhammavinaye vuddhiṃ viruḷhiṃ vepullaṃ āpajjantī ’’ ti .
[ itivu .108 itivuttakepi ]‘‘ Kuhā thaddhā lapā siṅgī , unnaḷā asamāhitā ;
Na te dhamme virūhanti , sammāsambuddhadesite .
‘‘ Nikkuhā nillapā dhīrā , atthaddhā susamāhitā ;
Te ve dhamme virūhanti , sammāsambuddhadesite ’’ ti .
chaṭṭhaṃ ;