Issues
Editor
Settings
Versions
Select Version
sāsanāre-သာသနာရေး
မြန်မာဘာသာ
Bhikkhu Bodhi
English
Catukkanipātapāḷi
Catukkanipātapāḷi

9. Araññasuttaṃ

Author： _System_Pali_VRI_ @ Administrator

9. Araññasuttaṃ

262.‘‘ CatūhiM1.575 , bhikkhave , dhammehi samannāgato bhikkhu nālaṃ araññavanappatthāni pantāni senāsanāni paṭisevituṃ .
Katamehi catūhi ?
Kāmavitakkena , byāpādavitakkena , vihiṃsāvitakkena , duppañño hoti jaḷo elamūgo – imehi kho , bhikkhave , catūhi dhammehi samannāgato bhikkhu nālaṃ araññavanappatthāni pantāni senāsanāni paṭisevituṃ .
‘‘ Catūhi , bhikkhave , dhammehi samannāgato bhikkhu alaṃ araññavanappatthāni pantāni senāsanāni paṭisevituṃ .
Katamehi catūhi ?
Nekkhammavitakkena , abyāpādavitakkena , avihiṃsāvitakkenaV1.289 , paññavā hoti ajaḷo anelamūgo – imehi kho , bhikkhave , catūhi dhammehi samannāgato bhikkhu alaṃ araññavanappatthāni pantāni senāsanāni paṭisevitun ’’ ti .
Navamaṃ .