1. Parisāsuttaṃ
211.‘‘ Cattārome
V1.257 , bhikkhave , parisadūsanā .Katame cattāro ?
Bhikkhu , bhikkhave [ idha bhikkhave bhikkhu ( pī . ka .)], dussīlo pāpadhammo parisadūsano ;
bhikkhunī , bhikkhave , dussīlā
M1.548 pāpadhammā parisadūsanā ;upāsako , bhikkhave , dussīlo pāpadhammo parisadūsano ;
upāsikā , bhikkhave , dussīlā pāpadhammā parisadūsanā .
Ime kho , bhikkhave , cattāro parisadūsanā .
‘‘ Cattārome , bhikkhave , parisasobhanā .
Katame cattāro ?
Bhikkhu , bhikkhave , sīlavā kalyāṇadhammo parisasobhano
P2.226 ;bhikkhunī , bhikkhave , sīlavatī kalyāṇadhammā parisasobhanā ;
upāsako , bhikkhave , sīlavā kalyāṇadhammo parisasobhano ;
upāsikā , bhikkhave , sīlavatī kalyāṇadhammā parisasobhanā .
Ime kho , bhikkhave , cattāro parisasobhanā ’’ ti .
Paṭhamaṃ .