4. Kāḷakārāmasuttaṃ
24. Ekaṃ samayaṃ bhagavā sākete viharati kāḷakārāme [ koḷikārāme ( ka .)].
Tatra kho bhagavā bhikkhū āmantesi –
‘‘ bhikkhavo ’’ ti .
‘‘ Bhadante ’’ ti te bhikkhū bhagavato paccassosuṃ .
Bhagavā etadavoca –
‘‘ Yaṃ
P2.25 , bhikkhave , sadevakassa lokassaT2.32 samārakassa sabrahmakassa sassamaṇabrāhmaṇiyā pajāya sadevamanussāya diṭṭhaṃ sutaṃ mutaṃ viññātaṃ pattaṃ pariyesitaṃ anuvicaritaṃ manasā , tamahaṃ jānāmi .‘‘ Yaṃ , bhikkhave , sadevakassa lokassa samārakassa sabrahmakassa sassamaṇabrāhmaṇiyā pajāya sadevamanussāya diṭṭhaṃ sutaṃ mutaṃ viññātaṃ pattaṃ pariyesitaṃ anuvicaritaṃ manasā , tamahaṃ abbhaññāsiṃ .
Taṃ tathāgatassa viditaṃ , taṃ tathāgato na upaṭṭhāsi .
‘‘ Yaṃ
V1.30 , bhikkhave , sadevakassa lokassa samārakassa sabrahmakassa sassamaṇabrāhmaṇiyā pajāya sadevamanussāya diṭṭhaṃ sutaṃ mutaṃ viññātaṃ pattaṃ pariyesitaṃ anuvicaritaṃ manasā , tamahaṃ na jānāmīti vadeyyaṃ , taṃ mamassa musā .‘‘ Yaṃ , bhikkhave … pe … tamahaṃ jānāmi ca na ca jānāmīti vadeyyaṃ , taṃpassa [ taṃ pissa ( syā . kaṃ .), taṃ mamassa ( ka .)] tādisameva .
‘‘ Yaṃ , bhikkhave … pe … tamahaṃ neva jānāmi na na jānāmīti vadeyyaṃ , taṃ mamassa kali .
‘‘ Iti kho , bhikkhave , tathāgato daṭṭhā daṭṭhabbaṃ , diṭṭhaṃ na maññati , adiṭṭhaṃ na maññati , daṭṭhabbaṃ na maññati , daṭṭhāraṃ na maññati ;
sutvā sotabbaṃ , sutaṃ na
M1.334 maññati , asutaṃ na maññati , sotabbaṃ na maññati , sotāraṃ na maññati ;mutvā motabbaṃ , mutaṃ na maññati , amutaṃ na maññati , motabbaṃ na maññati , motāraṃ na maññati ;
viññatvā viññātabbaṃ , viññātaṃ na maññati , aviññātaṃ na maññati , viññātabbaṃ na maññati , viññātāraṃ na maññati .
Iti kho , bhikkhave , tathāgato diṭṭhasutamutaviññātabbesu dhammesu tādīyeva tādī [ tādisova tādī ( syā . kaṃ .), tādise yeva tādī ( pī .), tādīyeva tādīyevekā ( ka .)].
Tamhā ca pana tādimhā [ tāditamhā ( sī . pī .)] añño tādī uttaritaro vā paṇītataro vā natthīti vadāmī ’’ ti .
‘‘ Yaṃ
T2.33 kiñci diṭṭhaṃva sutaṃ mutaṃ vā ,Ajjhositaṃ saccamutaṃ paresaṃ ;
Na tesu tādī sayasaṃvutesu ,
Saccaṃ musā vāpi paraṃ daheyya .
‘‘ Etañca sallaṃ paṭikacca [ paṭigacca ( sī . pī .)] disvā ,
Ajjhositā yattha pajā visattā ;
Jānāmi
P2.26 passāmi tatheva etaṃ ,Ajjhositaṃ natthi tathāgatāna ’’ ntntti .
catutthaṃ ;