Issues
Editor
Settings
Versions
Select Version
Bhikkhu Bodhi
English
sāsanāre-သာသနာရေး
မြန်မာဘာသာ
Catukkanipātapāḷi
Catukkanipātapāḷi

4. Nāgasuttaṃ

Author： _System_Pali_VRI_ @ Administrator

4. Nāgasuttaṃ

114.‘‘ Catūhi , bhikkhave , aṅgehi samannāgato rañño nāgo rājārahoT2.157 hoti rājabhoggo , rañño aṅganteva saṅkhaṃ gacchati .
Katamehi catūhi ?
Idha , bhikkhave , rañño nāgo sotā ca hoti , hantā ca , khantā ca , gantā ca .
‘‘ Kathañca , bhikkhave , rañño nāgo sotā hoti ?
Idha , bhikkhave , rañño nāgo yamenaṃ hatthidammasārathi kāraṇaṃ kāreti – yadi vā katapubbaṃ yadi vā akatapubbaṃ – taṃ aṭṭhiṃ katvā [ aṭṭhikatvā ( sī . syā . kaṃ . pī .) a . ni .5.140] manasi katvā sabbacetasā [ sabbaṃ cetaso ( sabbattha )] samannāharitvāM1.432 ohitasoto suṇāti .
Evaṃ kho , bhikkhave , rañño nāgo sotā hoti .
‘‘ Kathañca , bhikkhave , rañño nāgo hantā hoti ?
Idha , bhikkhave , rañño nāgo saṅgāmagatoV1.134 hatthimpi hanati , hatthāruhampi hanati , assampi hanati , assāruhampi hanatiP2.117 , rathampi hanati , rathikampi hanati , pattikampi hanati .
Evaṃ kho , bhikkhave , rañño nāgo hantā hoti .
‘‘ Kathañca , bhikkhave , rañño nāgo khantā hoti ?
Idha bhikkhave , rañño nāgo saṅgāmagato khamo hoti sattippahārānaṃ asippahārānaṃ usuppahārānaṃ pharasuppahārānaṃ [‘‘ pharasuppahārānan ’’ ti idaṃ padaṃ syāmapotthake natthi . ma . ni .3.217 passitabbaṃ ] bheripaṇavasaṅkhatiṇavaninnādasaddānaṃ .
Evaṃ kho , bhikkhave , rañño nāgo khantā hoti .
‘‘ Kathañca , bhikkhave , rañño nāgo gantā hoti ?
Idha , bhikkhave , rañño nāgo yamenaṃ hatthidammasārathi disaṃ peseti – yadi vā gatapubbaṃ yadi vā agatapubbaṃ – taṃ khippameva gantā hoti .
Evaṃ kho , bhikkhave , rañño nāgo gantā hoti .
Imehi kho , bhikkhave , catūhi aṅgehi samannāgato rañño nāgo rājāraho hoti rājabhoggo , rañño aṅganteva saṅkhaṃ gacchati .
‘‘ Evamevaṃ kho , bhikkhave , catūhi dhammehi samannāgato bhikkhu āhuneyyo hotiT2.158 … pe … anuttaraṃ puññakkhettaṃ lokassa .
Katamehi catūhi ?
Idha , bhikkhave , bhikkhu sotā ca hoti , hantā ca , khantā ca , gantā ca .
‘‘ Kathañca , bhikkhave , bhikkhu sotā hoti ?
Idha , bhikkhave , bhikkhu tathāgatappavedite dhammavinaye desiyamāne aṭṭhiṃ katvā manasi katvā sabbacetasā samannāharitvā ohitasoto dhammaṃ suṇāti .
Evaṃ kho , bhikkhave , bhikkhu sotā hoti .
‘‘ Kathañca , bhikkhave , bhikkhu hantā hoti ?
Idha , bhikkhave , bhikkhu uppannaṃ kāmavitakkaṃ nādhivāseti pajahati vinodeti ( hanati )[() natthi sī . syā . pī . potthakesu . a . ni .4.164 paṭipadāvagge catutthasutte pana ‘‘ sametī ’’ ti padaṃ sabbatthapi dissati ] byantīkaroti anabhāvaṃ gameti , uppannaṃ byāpādavitakkaṃ … pe … uppannaṃ vihiṃsāvitakkaṃ … pe … uppannuppanne pāpake akusale dhamme nādhivāseti pajahati vinodeti hanatiM1.433 byantīkaroti anabhāvaṃ gameti .
Evaṃ kho , bhikkhave , bhikkhu hantā hoti .
‘‘ Kathañca , bhikkhave , bhikkhu khantā hoti ?
Idha , bhikkhave , bhikkhu khamo hoti sītassaV1.135 uṇhassa jighacchāya pipāsāya , ḍaṃsamakasavātātapasarīsapasamphassānaṃ duruttānaṃ durāgatānaṃ vacanapathānaṃ uppannānaṃP2.118 sārīrikānaṃ vedanānaṃ dukkhānaṃ tibbānaṃ kharānaṃ kaṭukānaṃ asātānaṃ amanāpānaṃ pāṇaharānaṃ adhivāsakajātiko hoti .
Evaṃ kho , bhikkhave , bhikkhu khantā hoti .
‘‘ Kathañca , bhikkhave , bhikkhu gantā hoti ?
Idha , bhikkhave , bhikkhu yāyaṃ disā agatapubbā iminā dīghena addhunā yadidaṃ sabbasaṅkhārasamatho sabbūpadhipaṭinissaggo taṇhākkhayo virāgo nirodho nibbānaṃ , taṃ khippaññeva gantāT2.159 hoti .
Evaṃ kho , bhikkhave , bhikkhu gantā hoti .
Imehi kho , bhikkhave , catūhi dhammehi samannāgato bhikkhu āhuneyyo hoti … pe … anuttaraṃ puññakkhettaṃ lokassā ’’ ti .
Catutthaṃ .