1. Sikkhāpadasuttaṃ
201.‘‘ Asappurisañca
T2.297V1.247M1.539P2.217 vo , bhikkhave , desessāmi , asappurisena asappurisatarañca ;sappurisañca , sappurisena sappurisatarañca .
Taṃ suṇātha , sādhukaṃ manasi karotha ;
bhāsissāmī ’’ ti .
‘‘ Evaṃ , bhante ’’ ti kho te bhikkhū bhagavato paccassosuṃ .
Bhagavā etadavoca –
‘‘ Katamo ca , bhikkhave , asappuriso ?
Idha , bhikkhave , ekacco pāṇātipātī hoti , adinnādāyī hoti , kāmesumicchācārī hoti , musāvādī hoti , surāmerayamajjapamādaṭṭhāyī hoti .
Ayaṃ vuccati , bhikkhave , asappuriso .
‘‘ Katamo ca , bhikkhave , asappurisena asappurisataro ?
Idha , bhikkhave , ekacco attanā ca pāṇātipātī hoti , parañca pāṇātipāte samādapeti ;
attanā ca adinnādāyī hoti , parañca adinnādāne samādapeti ;
attanā ca kāmesumicchācārī hoti , parañca kāmesumicchācāre samādapeti ;
attanā ca musāvādī hoti , parañca musāvāde samādapeti ;
attanā ca surāmerayamajjapamādaṭṭhāyī hoti , parañca surāmerayamajjapamādaṭṭhāne samādapeti .
Ayaṃ vuccati , bhikkhave , asappurisena asappurisataro .
‘‘ Katamo ca , bhikkhave , sappuriso ?
Idha , bhikkhave , ekacco pāṇātipātā paṭivirato hoti , adinnādānā paṭivirato hoti , kāmesumicchācārā paṭivirato hoti , musāvādā
V1.248 paṭivirato hoti , surāmerayamajjapamādaṭṭhānā paṭiviratoT2.298 hoti .Ayaṃ vuccati , bhikkhave , sappuriso .
‘‘ Katamo ca , bhikkhave , sappurisena sappurisataro ?
Idha , bhikkhave , ekacco attanā ca pāṇātipātā paṭivirato hoti , parañca pāṇātipātā veramaṇiyā samādapeti ;
attanā ca adinnādānā paṭivirato hoti , parañca adinnādānā veramaṇiyā samādapeti ;
attanā
M1.540 ca kāmesumicchācārā paṭivirato hoti , parañca kāmesumicchācārā veramaṇiyā samādapeti ;attanā ca musāvādā paṭivirato hoti , parañca musāvādā veramaṇiyā samādapeti ;
attanā ca surāmerayamajjapamādaṭṭhānā paṭivirato hoti , parañca surāmerayamajjapamādaṭṭhānā veramaṇiyā samādapeti .
Ayaṃ vuccati , bhikkhave , sappurisena sappurisataro ’’ ti [ pu . pa .135].
Paṭhamaṃ .