9. Taṇhāsuttaṃ
199. Bhagavā etadavoca –
‘‘ taṇhaṃ vo , bhikkhave , desessāmi jāliniṃ saritaṃ visaṭaṃ visattikaṃ , yāya ayaṃ loko uddhasto pariyonaddho tantākulakajāto gulāguṇṭhikajāto
T2.289 [ kulāguṇṭhikajāto ( sī . syā . kaṃ . pī .) a . ni . aṭṭha .2.4.199] muñjapabbajabhūtoP2.212 apāyaṃ duggatiṃ vinipātaṃ saṃsāraṃ nātivattati .Taṃ suṇātha , sādhukaṃ manasi karotha ;
bhāsissāmī ’’ ti .
‘‘ Evaṃ , bhante ’’ ti kho te bhikkhū bhagavato paccassosuṃ .
Bhagavā etadavoca –
‘‘ Katamā ca sā , bhikkhave , taṇhā jālinī saritā visaṭā visattikā , yāya ayaṃ loko uddhasto pariyonaddho tantākulakajāto gulāguṇṭhikajāto muñjapabbajabhūto apāyaṃ duggatiṃ vinipātaṃ saṃsāraṃ nātivattati
M1.533 ?Aṭṭhārasa kho panimāni , bhikkhave , taṇhāvicaritāni ajjhattikassa upādāya , aṭṭhārasa taṇhāvicaritāni bāhirassa upādāya .
‘‘ Katamāni aṭṭhārasa taṇhāvicaritāni ajjhattikassa upādāya ?
Asmīti , bhikkhave , sati itthasmīti hoti , evaṃsmīti [ evamasmi ( sī .), evasmi ( syā . kaṃ . pī .) vibha .973 passitabbaṃ ] hoti , aññathāsmīti hoti , asasmīti hoti , satasmīti hoti , santi hoti , itthaṃ santi hoti , evaṃ santi hoti , aññathā santi hoti , apihaṃ [ apiha ( sī . pī .), api ( syā . kaṃ .)] santi hoti , apihaṃ [ api ( sī . syā . kaṃ . pī .)] itthaṃ santi hoti , apihaṃ [ api ( sī . syā . kaṃ . pī .)] evaṃ santi hoti , apihaṃ [ api ( sī . syā . kaṃ . pī .)] aññathā santi hoti
V1.242 , bhavissanti hoti , itthaṃ bhavissanti hoti , evaṃ bhavissanti hoti , aññathā bhavissanti hoti .Imāni aṭṭhārasa taṇhāvicaritāni ajjhattikassa upādāya .
‘‘ Katamāni aṭṭhārasa taṇhāvicaritāni bāhirassa upādāya ?
Imināsmīti , bhikkhave , sati iminā itthasmīti hoti , iminā evaṃsmīti hoti , iminā aññathāsmīti hoti , iminā asasmīti hoti , iminā satasmīti hoti , iminā santi hoti , iminā
T2.290 itthaṃ santi hoti , iminā evaṃ santi hoti , iminā aññathā santi hoti , iminā apihaṃ santi hoti , iminā apihaṃ itthaṃ santi hoti , iminā apihaṃ evaṃ santi hoti , iminā apihaṃ aññathā santi hoti , iminā bhavissanti hoti , iminā itthaṃ bhavissanti hoti , iminā evaṃ bhavissanti hoti , iminā aññathā bhavissanti hoti .Imāni aṭṭhārasa taṇhāvicaritāni bāhirassa upādāya .
‘‘ Iti aṭṭhārasa taṇhāvicaritāni ajjhattikassa upādāya , aṭṭhārasa taṇhāvicaritāni bāhirassa upādāya .
Imāni vuccanti , bhikkhave , chattiṃsa taṇhāvicaritāni .
Iti evarūpāni atītāni chattiṃsa taṇhāvicaritāni , anāgatāni chattiṃsa taṇhāvicaritāni
P2.213 , paccuppannāni chattiṃsa taṇhāvicaritāni .Evaṃ aṭṭhasataṃ taṇhāvicaritaṃ honti .
‘‘ Ayaṃ
M1.534 kho sā , bhikkhave , taṇhā jālinī saritā visaṭā visattikā , yāya ayaṃ loko uddhasto pariyonaddho tantākulakajāto gulāguṇṭhikajāto muñjapabbajabhūto apāyaṃ duggatiṃ vinipātaṃ saṃsāraṃ nātivattatī ’’ ti .Navamaṃ .