Tatonīhaṭakathā
Tato nīhaṭakathāyaṃ ‘‘ paṭiggaṇhatha , bhikkhave , paribhuñjatha .
Anujānāmi , bhikkhave , tato nīhaṭaṃ bhuttāvinā pavāritena anatirittaṃ paribhuñjitun ’’ ti ( mahāva .276) vacanato yasmiṃ dāne nimantitā hutvā bhikkhū bhuñjanti , tato dānato nīhaṭaṃ bhojanaṃ pavāritena bhikkhunā bhuñjitabbaṃ , na pavāritasikkhāpadena āpatti hoti .
Vuttañhi aṭṭhakathāyaṃ ( mahāva . aṭṭha .276)‘‘ tato nīhaṭan ti yattha nimantitā bhuñjanti , tato nīhaṭan ’’ ti .