Lomakathā
Lomakathāyaṃ ‘‘ sambādhelomaṃ saṃharāpenti .
Manussā ujjhāyanti khīyanti vipācenti seyyathāpi gihī kāmabhogino ’’ ti vatthusmiṃ uppanne ‘‘ na , bhikkhave … pe … dukkaṭassā ’’ ti ( cūḷava .275) vacanato saṃharāpentassa āpatti .
Aññatarassa bhikkhuno sambādhe vaṇo hoti , bhesajjaṃ na tiṭṭhatīti imissā aṭṭhuppattiyā ‘‘ anujānāmi , bhikkhave , ābādhapaccayā sambādhe lomaṃ saṃharāpetun ’’ ti ( cūḷava .275) vacanato ābādhapaccayā bhesajjapatiṭṭhāpanatthāya sambādhe lomaṃ harāpentassa anāpatti .
‘‘ Seyyathāpi pisācillikā ’’ ti manussānaṃ ujjhāyanapaccayā ‘‘ na , bhikkhave , dīghaṃ nāsikālomaṃ dhāretabbaṃ , yo dhāreyya , āpatti dukkaṭassā ’’ ti
V2.262 ( cūḷava .275) vacanato dhāraṇapaccayā āpatti .‘‘ Anujānāmi , bhikkhave , saṇḍāsan ’’ ti anurakkhaṇatthāya saṇḍāso anuññāto , tasmā nāsikālomaṃ saṇḍāsena harāpetuṃ vaṭṭati .
Palitan ti paṇḍarakesaṃ .
Gāhetuṃ na vaṭṭati ‘‘ mā
M2.356 me jarābhāvo hotū ’’ ti manasi katattā .Bībhacchaṃ hutvāti virūpaṃ hutvā .
Palitaṃ vā apalitaṃ vāti paṇḍaraṃ vā apaṇḍaraṃ vā .
Gāhāpetuṃ vaṭṭati appasādāvahattāti .