Parissāvanakathā
30. Parissāvanakathāyaṃ addhānamaggo nāma sabbantimaparicchedena aḍḍhayojanappamāṇo , tattakaṃ maggaṃ parissāvanaṃ aggahetvā
M2.346 gacchantopi aññena aparissāvanakena bhikkhunā yāciyamāno hutvā adentopi na vaṭṭati , āpattiyeva .‘‘ Anujānāmi , bhikkhave , parissāvanan ’’ ti anujānitvā ‘‘ coḷakaṃ nappahoti .
Bhagavato etamatthaṃ ārocesuṃ – anujānāmi
V2.254 , bhikkhave , kaṭacchuparissāvanan ’’ ti ( cūḷava .258) vuttattā pakatiparissāvanato kaṭacchuparissāvanaṃ khuddakanti viññāyati .Pakatiparissāvanassa vidhānaṃ aṭṭhakathāyaṃ na vuttaṃ , kaṭacchuparissāvanassa pana vidhānaṃ ‘‘ kaṭacchuparissāvanaṃ nāma tīsu daṇḍakesu vinandhitvā katan ’’ ti ( cūḷava . aṭṭha .258) vuttaṃ .
Kaṭacchuparissāvanaṃ vatvā puna ‘‘ coḷakaṃ nappahoti .
Bhagavato etamatthaṃ ārocesuṃ – anujānāmi , bhikkhave , dhamakaraṇan ’’ ti ( cūḷava .258) vuttattā kaṭacchuparissāvanatopi dhamakaraṇo khuddakataroti viññāyati .
Dhamakaraṇassa vidhānaṃ heṭṭhā parikkhārakathāyaṃ vuttameva .
‘‘ Bhikkhū navakammaṃ karonti , parissāvanaṃ na sammati .
Bhagavato etamatthaṃ ārocesuṃ – anujānāmi , bhikkhave , daṇḍaparissāvanan ’’ ti ( cūḷava 259) vuttattā pakatiparissāvanatopi daṇḍaparissāvanaṃ mahantataranti viññāyati .
‘‘ Daṇḍaparissāvanaṃ na sammati .
Bhagavato etamatthaṃ ārocesuṃ – anujānāmi , bhikkhave , ottharakan ’’ ti ( cūḷava .259) vacanato daṇḍaparissāvanatopi ottharakaṃ mahantataranti viññāyati .
Tesaṃ pana dvinnampi parissāvanānaṃ vidhānaṃ aṭṭhakathāyaṃ ( cūḷava . aṭṭha .259) āgatameva .