Chandāropanakathā
46. Chandāropanakathāyaṃ chandasoti sakkaṭabhāsāya .
Na āropetabban ti vācanāmaggaṃ na āropetabbaṃ .
Sakāya niruttiyāti māgadhabhāsāya .
Tattha santehi katāti sakkaṭā , aṭṭhakavāmakādīhi samitapāpehi isīhi katāti attho .
Atha vā sakkaritabbā pūjitabbāti sakkaṭā manussānaṃ hitasukhāvahanato , tadatthikehi manussehi pūjitabbāti attho .
Bhāsīyateti bhāsā , sakkaṭā ca sā bhāsā cāti sakkaṭabhāsā .
Vedattayagatā nirutti , sassa esāti sakā , bhagavato vacanantyattho .
Magadhe jātā māgadhikā , ādikappakāle magadharaṭṭhe jātāti attho .
Uccateti utti , nīharitvā utti nirutti , piṭakattayato nīharitvā kathīyatetyattho .
Vuttañhetaṃ porāṇehi –
‘‘ Sā
M2.361 māgadhī mūlabhāsā ;Narā yāyādikappikā ;
Brahmāno
V2.266 cāssutālāpā ;Sambuddhā cāpi bhāsare ’’ ti .
Sesaṃ suviññeyyameva .