1. Chetvāsuttavaṇṇanā
71. Vadhitvāti hantvā vināsetvā .
Aparidayhamānattāti apīḷiyamānattā .
Vinaṭṭhadomanassattā na socati cetodukkhadukkhābhāvato .
Visaṃ nāma dukkhaṃ aniṭṭhabhāvato , tassa mūlakāraṇaṃ kodho aniṭṭhaphalattāti āha ‘‘ visamūlassāti dukkhavipākassā ’’ ti .
Akkuṭṭhassāti akkosāparādhassa .
Akkosapahāratthasambandhena hi ‘‘ kuddhassā ’’ ti upayogatthe sampadānavacanaṃ .
Sukhaṃ uppajjati kodhaṃ nassati .
Sukhuppattiṃ sandhāya esa kodho ‘‘ madhuraggo ’’ ti vutto , sukhāvasānoti attho .
Chetvāsuttavaṇṇanā niṭṭhitā .