3. Annasuttavaṇṇanā
43. Patthentīti pihenti .
Yatthassa upagamanaṃ loke pākaṭataraṃ ahosi , te udāharaṇavasena dassento ‘‘ cittagahapatisīvalittherādike viyā ’’ ti āha .
Annan ti annasaññito catubbidhopi paccayo .
Sabbepi dāyake ekajjhaṃ gahetvā sāmaññato ekavasena ‘‘ dāyakamevā ’’ ti vuttaṃ , yathā cāha ‘‘ ko nāma so yakkho , yaṃ annaṃ nābhinandatī ’’ ti ?
Tattha yakkhoti satto .
Sāmaññajotanā ca nāma yasmā puthuatthavisayā , tasmā ‘‘ ye naṃ dadanti saddhāya , vippasannena cetasā .
Tameva annaṃ bhajatī ’’ ti vuttaṃ .
Tattha ma -kāro padasandhikaro , te evāti attho .
Dāyakaṃ apariccajanameva anugacchati cakkaṃ viya kubbaraṃ .
Annasuttavaṇṇanā niṭṭhitā .