3. Mittasuttavaṇṇanā
53. Saha atthena vattatīti sattho , bhaṇḍamūlaṃ gahetvā vāṇijjavasena desantarādīsu vicaraṇakajanasamūho .
Tenāha ‘‘ saddhiṃcaro ’’ ti , sahacaraṇakoti attho .
Mittan ti sinehayogena mittakiccayuttaṃ
V1.114 .Idhādhippetappakāraṃ dassetuṃ ‘‘ roge uppanne ’’ tiādi vuttaṃ .
Tathārūpeti jigucchanīye , duttikicche vā .
Yathā asaṇṭhitānaṃ saṇṭhāpanavasena pavasato purisassa bhogabyasane nāthatā , evaṃ puttasinehavasena puttassa mātuyā antogehe nāthatāti vuttaṃ ‘‘ mātā mittaṃ sake ghare ’’ ti .
Atthajātassāti upaṭṭhitapayojanassāti atthoti āha ‘‘ uppannakiccassā ’’ ti .
Samparāyahitan ti samparāye hitāvahaṃ .
Mittasuttavaṇṇanā niṭṭhitā .